ডিজিটেল ডেস্কঃ ৰাস্তাত পৰি আছে এটা পাৰফিউমৰ বটল। কিন্তু কেৱল পাৰফিউমেই নহয়, বটলটোৰ ভিতৰত বোমাও আছে। হাতেৰে তুলি তাৰ সাঁফৰ খুলিলেই বিশাল বিস্ফোৰণ সংঘটিত হ’ব!
কাশ্মীৰত নিৰাপত্তা বাহিনীক ব্যতিব্যস্ত কৰি ৰাখিবলৈ সন্ত্ৰাসবাদীসকলে শেহতীয়াকৈ ‘পাৰফিউম বোমা’ ব্যৱহাৰ কৰিছে। আৰিফ নামৰ এজন সন্ত্ৰাসবাদীৰ পৰা এই বোমা গ্ৰেপ্তাৰ কৰিছে আৰক্ষীয়ে। সন্ত্ৰাসবাদী হোৱাৰ পূৰ্বে আৰিফ এখন চৰকাৰী স্কুলৰ শিক্ষক আছিল।
২১ জানুৱাৰীত জম্মু-কাশ্মীৰৰ নৰৱালত উগ্ৰপন্থীয়ে দুটা আই ই ডি বিস্ফোৰণ কৰিছিল। গুৰুতৰভাৱে আহত হৈছে ৯ জন। বিস্ফোৰণৰ ঘটনাৰ তদন্ত কৰি থকা অৱস্থাত আৰক্ষীয়ে আৰিফক উদ্ধাৰ কৰে।
তদন্তত জানিব পৰা মতে, সুগন্ধিৰ বটলত ভৰ্তি আই ই ডি বিস্ফোৰক সামগ্ৰীৰ ফলত দুয়োটা বিস্ফোৰণ সংঘটিত হৈছে।
জম্মু-কাশ্মীৰ আৰক্ষীয়ে কয় যে পাকিস্তানৰ উগ্ৰপন্থী সংগঠন লস্কৰ-ই-তৈবাৰ স’তে আৰিফৰ সৈতে ঘনিষ্ঠ যোগাযোগত আছিল। আৰিফৰ পৰাও উদ্ধাৰ হৈছে আন এটা সুগন্ধিৰ বটল। ইয়াত আই ই ডি লোড কৰা হৈছে। বটলটো খুলিলেই বিস্ফোৰণ ঘটিব।
আৰক্ষীৰ বিশেষ দলে এনে বিস্ফোৰক সন্দৰ্ভত গৱেষণা আৰম্ভ কৰিছে বুলি জানিব পৰা গৈছে। অনাগত দিনত উগ্ৰপন্থীয়ে এনে অগতানুগতিক পদ্ধতি ব্যৱহাৰ কৰিব বুলি নিশ্চিত আৰক্ষী। ইয়াক প্ৰতিৰোধৰ বাবে আৰক্ষীয়ে নতুন কৌশলো প্ৰস্তুত কৰিছে।
Continue Reading
