ডিজিটেল ডেস্কঃ ৫৩৮ কোটি টকাৰ কানাড়া বেংকৰ জালিয়াতিৰ গোচৰত শুকুৰবাৰে গ্ৰেপ্তাৰ হ’ল জেট এয়াৰৱেজৰ প্ৰতিষ্ঠাপক নৰেশ গোৱেল। গ্ৰেপ্তাৰৰ পূৰ্বে তেওঁক বলবৎকাৰী সঞ্চালকালয়ে সোধা-পোছা কৰে।
নৰেশ গোৱেলক সোধা-পোছাৰ বাবে গুৰুতৰ জালিয়াতি তদন্ত কাৰ্যালয়লৈ গৈছিল যদিও ইডিৰ বিষয়াসকলে তেওঁক সোধা-পোছাৰ বাবে লৈ যায়। কেন্দ্ৰীয় তদন্তকাৰী সংস্থাৰ পূৰ্বৰ দুটা চমন তেওঁ মিছ কৰিছিল।
এই গোচৰৰ ভিত্তিত চলিত বৰ্ষৰ মে’ মাহৰ আৰম্ভণিতে কেন্দ্ৰীয় তদন্তকাৰী ব্যুৰো (চিবিআই)ৰ এফআইআৰ ৰুজু কৰা হৈছে।
৫ মে’ত চিবিআইৰ বিষয়াসকলে মুম্বাইৰ গোৱেলৰ বাসগৃহ আৰু কাৰ্যালয়কে ধৰি ৭টা স্থানত তালাচী চলায়।
বিগত বৰ্ষৰ ১১ নৱেম্বৰত দাখিল কৰা লিখিত এজাহাৰত জেট এয়াৰৱেজৰ প্ৰতিষ্ঠাপক নৰেশ গোৱেলে অপৰাধমূলক আস্থা ভংগ আৰু অপৰাধমূলক অসৎ আচৰণৰ অভিযোগ উত্থাপন কৰিছে চিবিআইৰ এফআইআৰত।
কানাড়া বেংকৰ মুখ্য মহাপ্ৰবন্ধক পি সন্তোষৰ স্বাক্ষৰিত অভিযোগত অনিতা নৰেশ গোৱেল, গৌৰাং আনন্দ শেট্টী, অচিনাকি ৰাজহুৱা সেৱক আদিৰ কথাও উল্লেখ কৰা হৈছে, যাৰ ফলত বেংকটোৰ অন্যায়ভাৱে ৫৩৮.৬২ কোটি টকাৰ লোকচান হৈছে।
প্ৰায় ২৫ বছৰ ধৰি বিমান চলাচল কৰাৰ পিছত ২০১৯ চনৰ এপ্ৰিল মাহত জেট এয়াৰৱেজৰ কাম-কাজ বন্ধ হৈ পৰে। বিমান সংস্থাটোৱে অব্যাহত ৰখাৰ বাবে ধন আহৰণ কৰাত ব্যৰ্থ হোৱাৰ লগতে যথেষ্ট লোকচানৰ সন্মুখীন হ’বলগীয়া হয়।
Continue Reading
