ডিজিটেল ডেস্কঃ বলীউডৰ কিংবদন্তি অমিতাভ বচ্চন এগৰাকী মহাকাশ অনুৰাগীও হয়। বিগ বি অমিতাভ বচ্চনে শেহতীয়াকৈ আকাশত পাঁচটা গ্ৰহৰ পেৰেডৰ বিৰল দৃশ্য অনুৰাগীসকলৰ বাবে শ্বেয়াৰ কৰিছিল। তেওঁ নিজৰ অফিচিয়েল ইনষ্টাগ্ৰাম একাউণ্টত পাঁচটা গ্ৰহৰ ভিডিঅ’ শ্বেয়াৰ কৰিছিল। এই গ্ৰহকেইটা আছিল বুধ, শুক্ৰ, মংগল, বৃহস্পতি, আৰু ইউৰেনাছ।
ভিডিঅ’টোত দেখা গৈছে যে এই পাঁচোটা গ্ৰহে যেন এডাল সৰলৰেখাত অৱস্থান কৰিছে। ই ইণ্টাৰনেট ব্যৱহাৰকাৰীসকলক আচৰিত কৰি তুলিছে।
অমিতাভ বচ্চনে ভিডিঅ’টোৰ কেপচনত লিখিছে 'What A Beautiful Sight...! 5 Planets Aligned Together Today... Beautiful And Rare... Hope You Witnessed It too.’
পোষ্ট কৰাৰ পিছৰে পৰা এই ইনষ্টাগ্ৰাম ভিডিঅ’টোৱে কোটি কোটি মানুহৰ কাষ চাপিছে।
এজন ব্যৱহাৰকাৰীয়ে লিখিছে, “ৰেৰেষ্ট অৱ ৰেয়াৰ এষ্ট্ৰ’নমিকেল মমেণ্ট। আন এজন ব্যৱহাৰকাৰীয়ে ক’লে, “তেওঁ মোক টেলিস্কোপ কিনিবলৈ বাধ্য কৰাইছে... অমিতাভ জী সম্পূৰ্ণ প্ৰভাৱশালী ব্যক্তি।”
এজনে লিখিছে “অমিতাভ বচ্চন সঁচাকৈয়ে হাত দীঘল মানুহ।“
নাছাৰ বিজ্ঞানী বিল কুকে জনাইছিল যে ''২৮ মাৰ্চত এই গ্ৰহসমূহ দৃশ্যমান হ’ব আৰু উজ্জ্বল জোনৰ সৈতে জিলিকি থাকিব।''
Continue Reading
