ডিজিটেল ডেস্কঃ ৩৫ টন ওজনৰ দুটা শালেগ্ৰাম শিল অযোধ্যাৰ ৰাম জন্মভূমিত উপস্থিত হৈছে। শিল দুটাৰ বয়স ৬ কোটি বছৰ! এসপ্তাহত প্ৰায় ৪০০ কিলোমিটাৰ অতিক্ৰম কৰিছে ই। নেপালৰ মুস্তাং জিলাৰ কালিগণ্ডাকী জলপ্ৰপাতৰ পৰা লোৱা এই জীৱাশ্ম শিলৰ পৰাই তৈয়াৰ কৰা হ’ব ৰামৰ মূৰ্তি।
বুধবাৰে উত্তৰ প্ৰদেশৰ গোৰখনাথ মন্দিৰৰ পৰা অযোধ্যালৈ অনা হয় দুটা শালেগ্ৰাম শিল। ৰাম মন্দিৰ ট্ৰাষ্টৰ সম্পাদক চম্পট ৰায়ৰ তত্বাৱধানত অযোধ্যাত প্ৰৱেশ কৰাৰ পূৰ্বে সৰ্যু নদীৰ দলঙৰ সমীপত ট্ৰাক ভৰ্তি শিল দুখন আদৰণি জনায় লাখ লাখ লোকে। ইয়াৰ পিছতে বৃহস্পতিবাৰৰ পৰা শিলাপুজন আৰম্ভ হয়। পূজা শেষ হোৱাৰ পিছত ৰাম জন্মভূমি মন্দিৰৰ প্ৰধান পুৰোহিত আচাৰ্য সত্যেন্দ্ৰ দাসক শিলাখণ্ড দুটা আগবঢ়োৱা হ’ব।
ৰামৰ সমান্তৰালকৈ সীতা, লক্ষ্মণ, ভৰত আৰু শত্ৰুঘ্নৰ মূৰ্তিও এই শিলটোৰে নিৰ্মাণ কৰা হ’ব। প্ৰসংগক্ৰমে, শালেগ্ৰাম শিলক ভগৱান বিষ্ণুৰ প্ৰতিৰূপ বুলি গণ্য কৰা হয়। সেয়ে নৰেন্দ্ৰ মোডী চৰকাৰে গঠন কৰা ট্ৰাষ্টে সেই শিলটোৰে ৰমন্দিৰৰ মূৰ্তি নিৰ্মাণ কৰাৰ সিদ্ধান্ত লৈছে। যাৰ নাম ``শ্ৰীৰাম জন্মভূমি তীৰ্থ ক্ষেত্ৰ''।
Continue Reading
