ডিজিটেল ডেস্কঃ ৬৯ সংখ্যক ৰাষ্ট্ৰীয় চিনেমা বঁটা বিজয়ীৰ তালিকা ঘোষণা কৰা হ’ল। ২৪ আগষ্টত সংবাদমেলত বিভিন্ন শিতানত ৰাষ্ট্ৰীয় বঁটা বিজয়ীসকলৰ নাম ঘোষণা কৰা হয়। ইয়াৰ পাছতে ছ’চিয়েল মিডিয়াত প্ৰতিক্ৰিয়া আৰু অভিনন্দনৰ স্ৰোত বয়। য'ত বিজয়ী তাৰকাসকলে ইজনে সিজনক অভিনন্দন জনাইছে আৰু অনুৰাগীয়ে নিজৰ প্ৰিয় তাৰকাক অভিনন্দন জনাইছে।
ইফালে বলীউডৰ অভিনেত্ৰী কংগনা ৰানাৱটেও নিজৰ ইনষ্টাগ্ৰাম ষ্ট’ৰীত এটা পোষ্ট লিখিছে য’ত ৰাষ্ট্ৰীয় বঁটা বিজয়ী সকলোকে জয়ৰ বাবে অভিনন্দন জনাইছে। ইয়াৰ সমান্তৰালকৈ কংগনাই তেওঁৰ অনুৰাগীসকলকো কয় যে যদি ‘থালাইভি’ৰ পৰা আপোনালোকৰ আশা আছিল আৰু আপোনালোক হতাশ হৈছে, তেন্তে চিন্তা নকৰিব।
উল্লেখযোগ্য যে ৰাষ্ট্ৰীয় বঁটা বিজয়ী ঘোষণাৰ পূৰ্বে শ্ৰেষ্ঠ অভিনেত্ৰী ৰাষ্ট্ৰীয় বঁটা শাখাৰ বাবে আলিয়া ভাট আৰু কংগনা ৰানাৱটৰ নাম সৰ্বাধিক চৰ্চিত হৈছিল। কিন্তু এইবাৰ কংগনাক পাছ পেলাই আলিয়াই শ্ৰেষ্ঠ অভিনেত্ৰীৰ খিতাপ লাভ কৰিছে। সঞ্জয় লীলা ভাঞ্চালীৰ পৰিচালিত ‘গংগুবাই কাঠিয়াৱাড়ী’ ছবিৰ বাবে আলিয়াই লাভ কৰিছে শ্ৰেষ্ঠ অভিনেত্ৰীৰ বঁটা। একে সময়তে আল্লু অৰ্জুনে পুষ্পা ছবিৰ বাবে শ্ৰেষ্ঠ অভিনেতাৰ শাখাত ৰাষ্ট্ৰীয় বঁটা লাভ কৰিছে।
Continue Reading
