ডিজিটেল ডেস্কঃ দেওবাৰে এছিয়া কাপৰ ফাইনেলত মহম্মদ ছিৰাজে চমকপ্ৰদ বলিং কৰে। তেওঁ এটা অভাৰত চাৰিটা উইকেট দখল কৰে। মুঠ ৭ অভাৰত বলিং কৰি ২১ ৰানত ৬টা উইকেট দখল কৰে। ছিৰাজে এটা অভিলেখো গঢ়ে। অলপ সময়ৰ বাবে অভিলেখৰ শিখৰ চুব নোৱাৰিলে।
ইয়াৰ পূৰ্বে ভাৰতৰ হৈ এদিনীয়া ক্ৰিকেটত এটা অভাৰত চাৰিটা উইকেট দখল কৰা নাই কোনো বলাৰে। শ্ৰীলংকাৰ বিৰুদ্ধে এতিয়ালৈকে এদিনীয়া মেচত পাকিস্তানৰ ৱাকাৰ ইউনিছে সৰ্বোত্তম বলিং প্ৰদৰ্শন আগবঢ়াইছিল। ১৯৯০ চনত শ্বাৰজাহত অনুষ্ঠিত এখন খেলত ২৬ ৰানত ৬ টা উইকেট দখল কৰিছিল। চিৰাজে সেই নজিৰ ভংগ কৰে।
ছিৰাজে এদিনীয়া ক্ৰিকেটত ভাৰতৰ শ্ৰেষ্ঠ বলিং ফিগাৰ হ’লহেঁতেন যদিহে আৰু এটা উইকেট সম্ভৱ হ’লহেঁতেন৷ কিন্তু সেয়া সম্ভৱ নহ’ল কিয়নো তেওঁ ৬টাতকৈ বেছি উইকেট ল’ব নোৱাৰিলে। এই পৰ্যন্ত কোনো বলাৰ ভাৰতৰ হৈ এটা ইনিংছত ৭টা বা তাতকৈ অধিক উইকেট দখল কৰা নাই।
ভাৰতৰ শ্ৰেষ্ঠ বলিং ফিগাৰ আছে ষ্টুয়াৰ্ট বিনিৰ নামত। মিৰপুৰত বাংলাদেশৰ বিৰুদ্ধে ৪ ৰাণত ৬ উইকেট দখল কৰে। দ্বিতীয় স্থানত আছে অনিল কুম্বলে। ১৯৯৩ চনত কলকাতাত পাকিস্তানৰ বিৰুদ্ধে ১২ ৰানত ৬ উইকেট দখল কৰিছিল। ২০২২ চনত অ’ভেলত ইংলেণ্ডৰ বিৰুদ্ধে ১৯ ৰানত ৬টা উইকেট দখল কৰিছিল যশপ্ৰীত বুমৰাহে। তেওঁৰ পিছত ছিৰাজ।
এছিয়া কাপৰ ইতিহাসত শ্ৰেষ্ঠ বলিঙৰ তালিকাতো চিৰাজে স্থান লাভ কৰিছে। ২০০৮ চনত কৰাচীত ভাৰতৰ বিৰুদ্ধে ১৩ ৰানত ৬ উইকেট সংগ্ৰহ কৰিছিল শ্ৰীলংকাৰ অজন্তা মেণ্ডিছে। তেওঁৰ পিছতে ছিৰাজে স্থান লাভ কৰে।
Continue Reading
