ডিজিটেল ডেস্কঃ চিকু যাদৱ নামৰ নয়দাৰ সৰু ল’ৰা এটাই মাত্ৰ ৭০০ টকাত মহিন্দ্ৰা থাৰ কিনাৰ ইচ্ছা প্ৰকাশ কৰাৰ এটা ভিডিঅ’ ভাইৰেল হৈ পৰিছে। ক্লিপটোত পিতৃ আৰু তেওঁৰ কণমানি পুত্ৰ চিকুৰ মাজত হোৱা কথা-বতৰা দেখা গৈছে। তাত ৭০০ টকাত থাৰ কিনাৰ বিষয়ে আলোচনা কৰা হৈছে।
মহিন্দ্ৰা গোটৰ অধ্যক্ষ আনন্দ মহিন্দ্ৰাৰো দৃষ্টি আকৰ্ষণ কৰে ভিডিঅ’টোৱে। আমোদ পাই আনন্দ মহিন্দ্ৰাই এক্সত (পূৰ্বে টুইটাৰ) ভিডিঅ’টো শ্বেয়াৰ কৰিলে, লগতে কেপচন লিখিলে- “আমি সোনকালে দেউলীয়া হৈ যাম।’’
“মোৰ বন্ধু ছুনী তাৰাপোৰেভালাই মোলৈ এই ভিডিঅ’ পঠিয়াইছিল। মই চিকুক ভাল পাওঁ। কিন্তু মোৰ একমাত্ৰ সমস্যাটো হ’ল যে যদি আমি তেওঁৰ দাবীৰ বৈধতা দি থাৰখন ৭০০ টকাত বিক্ৰী কৰি দিওঁ তেন্তে আমি যথেষ্ট সোনকালে দেউলীয়া হ’ম।’’- ভিডিঅ’টোৰ সৈতে মহিন্দ্ৰাই এক্সত পোষ্ট কৰে।
প্ৰথমে জুলাই মাহত ছিকুৰ ইনষ্টাগ্ৰাম পেজত প্ৰকাশ পোৱা চিকু আৰু তেওঁৰ পিতৃৰ মাজত হোৱা এই ভিডিঅ’টোৱে জনপ্ৰিয় ছ’চিয়েল মিডিয়া প্লেটফৰ্মত ৭ লাখৰো অধিক ভিউ লাভ কৰিছে।
Continue Reading
