ডিজিটেল ডেস্কঃ সুনীল নাৰিনে একেসময়তে দুখন ভিন্ন মহাদেশত খেলিব লগা হ’ব। আমেৰিকাৰ মেজৰ লীগ ক্ৰিকেটত লছ এঞ্জেলছ নাইট ৰাইডাৰ্ছৰ হৈ খেলাৰ সমান্তৰালভাৱে পুনৰ ইংলেণ্ডত হোৱা ভিটালিটি ব্লাষ্ট প্ৰতিযোগিতাত ছাৰেৰ হৈও খেলিব লাগিব। এই দুটা দলৰ হৈ খেলিবলৈ নাৰিনে হয়তো ৭৫ ঘণ্টাত প্ৰায় ১৪,৫০০ কিলোমিটাৰ যাত্ৰা কৰিব লাগিব।
আই পি এলৰ অন্ত পৰাৰ পৰাই ইংলেণ্ডত আছে নাৰিনে। তাত তেওঁ ছাৰেৰ হৈ খেলি আছে। সেই দলৰ হৈ তেওঁ ১৫খন মেচ খেলিছে। ২০টা উইকেটৰে তেওঁ দলৰ সৰ্বাধিক উইকেট দখলকাৰীও হৈছে। শুকুৰবাৰে ছাৰেৰ হৈ কোৱাৰ্টাৰ ফাইনেলত জয়লাভ কৰি নাৰিনে আমেৰিকালৈ ৰাওনা হয়। তাত তেওঁ লছ এঞ্জেলছৰ দলটোক নেতৃত্ব দিব। বৃহস্পতিবাৰে দলটোৰ প্ৰথমখন খেল।
আনহাতে ছাৰেই বিচাৰে যে শনিবাৰে পুৱা নাৰিনে ইংলেণ্ডলৈ উভতি আহক। স্থানীয় সময় অনুসৰি বিয়লি ২.৩০ বজাৰ পৰা আৰম্ভ হ’ব খেলখন। সেই ছেমি ফাইনেলত জয়ী হ’লে সেইদিনা সন্ধিয়া ফাইনেল খেলিব।
দেওবাৰে নিশা লছ এঞ্জেলছৰ খেল। অৰ্থাৎ শনিবাৰে নিশা খেল খেলি নাৰায়নে আমেৰিকালৈ যাব লাগিব। ফলত ৭৫ ঘণ্টাৰ ভিতৰত নাৰিনে চাৰিখন মেচ খেলিব লাগিব। সেই সময়ত তেওঁ ১৮ ঘণ্টা উৰা মাৰিব।
আৰু পঢ়ক : অশ্বিন-জাদেজাৰ যুটিয়ে গঢ়িলে ইতিহাস
ছাৰেৰ অধিনায়ক ক্ৰীছ জৰ্ডানে কয় যে নাৰিনৰ এনে পৰিকল্পনা আছে। তেওঁ কয়, ‘নাৰায়ণ দলৰ প্ৰতি অতিশয় দায়বদ্ধ। এজনে যি ধৰণে অনুশীলন কৰে, বেট কৰে, বল কৰে, উন্নতি কৰিবলৈ চেষ্টা কৰে, সকলোৰে বাবে শিক্ষামূলক। নাৰিনে যিকোনো পৰিস্থিতিত যুঁজিবলৈ সাজু।”
আই পি এলত কলকাতা নাইট ৰাইডাৰ্ছৰ হৈ খেলিছিল নাৰিনে। ৱেষ্ট ইণ্ডিজৰ এইগৰাকী ক্ৰিকেটাৰে শেষবাৰৰ বাবে ২০১৯ চনত দেশৰ হৈ খেলিছিল। তাৰ পিছৰে পৰা তেওঁ বিভিন্ন দেশত টি-২০ লীগ খেলিছে। তেওঁ ৪৬৮ খন টি-২০ মেচ খেলিছে। ললে ৫০৯ টা উইকেট।
