ডিজিটেল ডেস্কঃ পেলেৰ অভিলেখ ভংগ হ’ল। নেইমাৰ জুনিয়ৰে এক নতুন নজিৰ গঢ়ি তুলিলে। পৰৱৰ্তী বিশ্বকাপৰ কোৱালিফাইং মেচত বলিভিয়াৰ বিৰুদ্ধে গ’ল দি তেওঁ নতুন মাইলৰ খুঁটি স্পৰ্শ কৰে।
আন্তঃৰাষ্ট্ৰীয় ফুটবলত নেইমাৰে ৭৮টা গ’ল দিয়ে। তেওঁ বলিভিয়াৰ বিৰুদ্ধে গ’ল দি পেলেৰ অভিলেখ ভংগ কৰে। ব্ৰাজিলৰ হৈ সৰ্বাধিক গ’ল দিয়ে। বিদেশী খেলখনত বলিভিয়াক ৫-১ গ’লত পৰাস্ত কৰে ব্ৰাজিলে। খেলখনৰ ৬১ মিনিটত নেইমাৰে দলটোৰ হৈ গ’ল দিয়ে। বিপক্ষৰ বাকচত উৰি যোৱা নিম্ন বল এটা স্পৰ্শ কৰি তেওঁ গ’ল দিয়ে।
খেলখনত তেওঁ দুটা গ’ল দিয়ে। পেলেৰ নজিৰ ভংগ কৰাৰ বাবে নেইমাৰে উৎসাহ প্ৰকাশ কৰে। ব্ৰাজিলৰ হৈ পেলেই ৭৭টা গ’ল দিছিল।
নজিৰ গঢ়ি তোলাৰ পিছতো বলিভিয়াৰ বিৰুদ্ধে নেইমাৰক চিনাকি ফৰ্মত দেখা পোৱা নগ’ল। ১৭ মিনিটত ব্ৰাজিলে পেনাল্টি লাভ কৰে। কিন্তু নেইমাৰৰ শ্বটটো বলিভিয়াৰ গ’লৰক্ষক বিলি ভিজকাৰাই বাধা দিয়ে। অৱশ্যে মেচৰ আগদিনা তেওঁ কয় যে তেওঁ ১০০ শতাংশ ফিট নহয়। অৱশ্যে দেশৰ বাবে খেলপথাৰত প্ৰৱেশ কৰিব।
কিছুদিন পূৰ্বে ৩১ বছৰীয়া ষ্ট্ৰাইকাৰগৰাকীয়ে পেৰিছ চেণ্ট জাৰ্মেইন এৰি ছৌদি আৰৱত আল হিলালৰ সৈতে যোগদান কৰিছিল। শেহতীয়াকৈ নেইমাৰ কেইবাটাও বিতৰ্কত লিপ্ত হৈছে। ব্ৰাজিলৰ আইন উলংঘা কৰি ঘৰ নিৰ্মাণ কৰা, প্ৰেমিকাক প্ৰতাৰণা কৰা আদি অভিযোগ তেওঁৰ বিৰুদ্ধে। কিছুদিন পূৰ্বে আঘাতৰ পৰা সুস্থ হৈ খেলপথাৰলৈ উভতি আহিছিল।
