ডিজিটেল ডেস্কঃ অভিনেত্ৰী আৰু প্ৰযোজক খুছবু সুন্দৰ।দক্ষিণ ভাৰতৰ এটি পৰিচিত নাম। তামিল ছবিত অভিনয়ৰ কেৰিয়াৰ আৰম্ভ কৰা পিছত খুছবুৰ জীৱনৰ পথ পিছে মসৃণ নাছিল। তেওঁ শেহতীয়াকৈ ৰাজনীতো ৰাজনীতিত যোগদান কৰিছে।
শেহতীয়াকৈ দক্ষিণৰ অভিনেত্ৰীগৰাকী ৰাষ্ট্ৰীয় মহিলা আয়োগৰ সদস্য হিচাপে নিৰ্বাচিত হৈছে। তেওঁ শেহতীয়াকৈ তেওঁৰ নিজৰেই পিতৃৰ বিষয়ে বিস্ফোৰক অভিযোগ উত্থাপন কৰিছে । ৮ বছৰ বয়সৰ পৰাই অভিনেত্ৰীগৰাকীক তেওঁৰ পিতৃয়েই যৌন নিৰ্যাতন চলাইছিল। কিন্তু ভয়তে কাকো এই কথা ক'ব পৰা নাছিল খুছবুৱে। অৱশেষত খুছবুৱে মুখ খুলিছে।
কেৱল ৰাষ্ট্ৰীয় মহিলা আয়োগৰ সদস্যই নহয়, খুছবুৰ আন এটা পৰিচয়ো আছে। তেওঁ বিজেপিৰ ৰাষ্ট্ৰীয় কাৰ্যকৰী সমিতিৰো সদস্য। শেহতীয়া এক সাক্ষাৎকাৰত, অভিনেত্ৰী-খুছবুৱে শৈশৱৰ ভয়ংকৰ অভিজ্ঞতাৰ বিষয়ে উল্লেখ কৰিছে। তেওঁ কয় যে শৈশৱতে তেওঁৰ পিতৃয়ে তেওঁৰ ওপৰত চলোৱা যৌন শোষণে দিয়া মানসিক আঘাত গোটেই জীৱন ধৰি ৰৈ যাব। খুছবুৱে কয় ’’মোৰ দেউতাই মাক প্ৰহাৰ কৰাটো তেওঁৰ জন্মগত অধিকাৰ বুলি ভাবিছিল।
মই মাত্ৰ ৮ বছৰ বয়সতে যৌন নিৰ্যাতনৰ বলি হৈছিলোঁ। অৱশেষত ১৫ বছৰ বয়সত মই সাহসেৰে তাৰ প্ৰতিবাদ কৰিছিলো। মই ভয় কৰিছিলো যে মায়ে মোক বিশ্বাস নকৰিব। কিন্তু যেতিয়া মই আৰু সহ্য কৰিব নোৱাৰা হ’লো তেতিয়াই মই সাহসেৰে থিয় হ'লো। তাৰ পিছত তেওঁ আমাক এৰি গুচি গ'ল। ''
খুছবুৱে অভিনয়ৰ লগতে ৰাজনীতিতো বেছ সফলতা লাভ কৰিছে। তেওঁ প্ৰথমে ডিএমকে দলত আছিল আৰু তাৰ পিছত কেইদিনমান কংগ্ৰেছতো আছিল। অৱশেষত তেওঁ বিজেপিত যোগদান কৰিছে। খুছবুৱে ২০২১ চনত তামিলনাডুৰ বিধানসভা নিৰ্বাচনত প্ৰতিদ্বন্দিতা কৰি পৰাজিত হৈছিল।
Continue Reading
