ডিজিটেল ডেস্কঃ বিশ্বকাপ জিকাৰ পাছতে লিঅ’নেল মেছিক কাটাৰৰ ৰজাই এখন বিশেষ বস্ত্ৰ পিন্ধাই সন্মান জনাইছিল। সেই বস্ত্ৰখনিক স্থানীয় ভাষাত 'বিস্ত’ নামেৰে জনা যায়। এই বিস্ত পৰিধান কৰিয়েই বিশ্বকাপৰ ট্ৰফী হাতত তুলিছিল মেছিয়ে।
বিস্তখনক লৈ বিতৰ্কও হৈছিল। এইবাৰ এজন আইনজীৱীয়ে মেছিয়ে পৰিধান কৰা বিস্তখন ক্ৰয় কৰিব বিচাৰিছে। আহমেদ আল বাৰোৱানী নামৰ আইনজীৱীগৰাকীয়ে টুইটাৰত এটা পোষ্টৰ দ্বাৰা জনাইছে তেওঁ ১০ লাখ ডলাৰত বিস্তখন ক্ৰয় কৰিব বিচাৰে। ভাৰতীয় মূল্যত ইয়াৰ পৰিমাণ হ’ব ৮ কোটি ২৬ লাখ টকা।
নিজৰ ব্যক্তিগত সংগ্ৰহালয়ত সজাই ৰাখিবলৈকে তেওঁ বিস্তখন ক্ৰয় কৰিব বিচাৰে। অৱশ্যে মেছিৰ তৰফৰ পৰা এতিয়ালৈকে ইয়াৰ কোনো প্ৰত্যুত্তৰ দিয়া হোৱা নাই।
উল্লেখ্য যে ৰাজা শ্বেখ তামিম বিন হামাদ আল থানিয়ে মেছিক পিন্ধোওৱা বিস্তখন আৰৱৰ দেশসমূহৰ এটা ঐতিহ্যবাহী অভিজাত পোছাক। ঊলেৰে তৈয়াৰী বিস্তখন পুৰুষসকলে পৰিধান কৰে। ফাৰ্চি ভাষাৰ পৰা বিস্ত শব্দটো আহিছে
Continue Reading
