ডিজিটেল ডেস্কঃ ব্ৰিটেইনৰ কাৰ্লাইল চহৰত বাস কৰা ২০ বছৰীয়া জেম্স নামৰ এজন যুৱকৰ ভাগ্য সলনি হয়, যেতিয়া তেওঁ শুনিবলৈ পায় যে লটাৰীত ৮০ কোটি টকা জিকিছে। এই বৃহৎ বিজয়ে স্থানীয় বাসিন্দাসকলৰ লগতে সকলোকে আচৰিত কৰি তোলে। কিন্তু সকলোতকৈ আশ্চৰ্যজনক কথা হ’ল—ইমান টকা লাভ কৰাৰ পিছতো জেম্সে তেওঁৰ দৈনন্দিন জীৱন আৰু কৰ্তব্যৰ পৰা একো পৰিবর্তন আনিব পৰা নাছিল।
জেম্সৰ এই সৌভাগ্যৰ যাত্ৰা আৰম্ভ হৈছিল বৰদিনৰ সময়ত, যেতিয়া তেওঁ ১২ হাজাৰ টকাৰ এক সৰু লটাৰী জিকিছিল। সেই ধনৰে তেওঁ পুনৰ অন্য এখন বৃহৎ লটাৰীৰ টিকট ক্ৰয় কৰে, আৰু অতি কম সময়ৰ ভিতৰতে তেওঁ ভাগ্যৰ এক অভূতপূৰ্ব মোড় দেখিবলৈ পায়।এই খেলৰ ফলাফলৰ ঘোষণাৰ দিনা, তেওঁ নিজৰ প্ৰেমিকাৰ ঘৰৰ পৰা দেউতাকৰ ঘৰলৈ গৈ পৰিয়ালৰ লগত একেলগে লটাৰীৰ নম্বৰ পৰীক্ষা কৰে। নাম ঘোষণা হোৱাৰ লগে লগে তেওঁ আনন্দত হাঁহিবলৈ ধৰিলে। তেওঁৰ বাবে এইটো যেন সপোনৰ দৰে অনুভৱ হৈছিল।
কিন্তু, সকলোৰে ধাৰণাৰ বিপৰীতে, জেম্সৰ জীৱনশৈলীত কোনো সলনি নহ'ল। লটাৰীৰ ফলাফল ঘোষণাৰ পিছদিনাই, তেওঁ প্ৰত্যেকদিনাৰ দৰে চহৰৰ নলা-নর্দমা পৰিষ্কাৰৰ কামত ওলাই যায়। ইমান ধনী হোৱাৰ পিছতো, তেওঁ নিজৰ কৰ্তব্য অব্যাহত ৰাখিব বিচাৰিছিলে। তেওঁ কৈছিল যে "মই এতিয়াও বিশ্বাস কৰিব পৰা নাই যে মই ৮০ কোটি টকাৰ মালিক হৈ পৰিছো," লগতে তেওঁ এইটোও স্পষ্ট কৰি কয় যে ধন আহিল বুলিয়েই তেওঁ নিজৰ কাম এৰি দিব নোৱাৰে।
তেওঁৰ মতে, "টকা পোৱাৰ অৰ্থ এইটো নহয় যে মই কাম এৰি দিম। কাম কৰাটোৱেই মোৰ জীৱনৰ এক অংশ।" জেম্সৰ এই নম্ৰতা আৰু কৰ্তব্যনিষ্ঠাই স্থানীয় ৰাইজৰ লগতে সমগ্ৰ বিশ্বৰ মানুহৰ মন জয় কৰে। ইমান ধন লাভ কৰাৰ পিছতো সাধাৰণ ভাৱে জীৱন-যাপন কৰি যাবলৈ তেওঁৰ মনোবল আৰু সংকল্পই প্ৰমাণ কৰি দেখুৱালে যে ধনে সকলো নহয়, কামৰ প্ৰতি নিষ্ঠা আৰু নম্ৰতাই মানুহজনক মহৎ কৰি তুলিছিল।
জেম্সৰ এই নম্ৰতা আৰু কৰ্তব্যনিষ্ঠাই বহুতৰ বাবে এক প্ৰেৰণাৰ সৃষ্টি কৰিছে। তেওঁ প্ৰমাণ কৰি দেখুৱালে যে ধন অহাৰ সলনি মানৱতাৰ মূল্যবোধ আৰু পৰিশ্ৰমেই মানুহজনক প্ৰকৃত সফল আৰু গৌৰৱান্বিত কৰে।
Continue Reading
