সৌৰভ দুৱৰাৰ ‘ফিছিং নেট ইন উইণ্টাৰ মর্নিং’লৈ আন্তর্জাতিক স্বীকৃতি

ডিজিটেল ডেস্ক: ফটোগ্রাফীক ছ'চাইটি অব্ ইণ্ডিয়াই অনুষ্ঠিত কৰা ২৪ সংখ্যক ইণ্টাৰনেশ্যনেল চেলন-২০২৬ আলোকচিত্র প্রতিযোগিতাত আলোকচিত্র শিল্পী সৌৰভ দুৱৰাৰ আলোকচিত্র ‘ফিছিং নেট ইন উইণ্টাৰ মর্নিং’ শীর্ষক ছবিখনত আন্তর্জাতিক স্বীকৃতি প্রদান কৰে। 

যোৱা ছেপ্টেম্বৰ মাহত অনুষ্ঠিত এই প্রতিযোগিতা বিশ্বৰ বিভিন্ন প্ৰান্তৰ চাৰিশ দহজন আলোকচিত্র শিল্পীৰ এহেজাৰ ছশ চল্লিশখন আলোকচিত্ৰৰ মাজৰ পৰা 'অপেন কালাৰ' শিতানত এই ছবিখনে স্বীকৃতি লাভ কৰিছে। ইয়াৰ আগতেও দুৱৰাৰ এই ছবিখনে আন্তর্জাতিক আলোকচিত্র প্রতিযোগিতাত পুৰস্কাৰ লাভ কৰিছিল। 

১৯৩৭ চনত স্থাপিত ফটোগ্রাফীক ছ'চাইটি অব ইণ্ডিয়াই আয়োজন কৰা এই বিখ্যাত প্রতিযোগিতাত বিচাৰক হিচাপে আছিল মহম্মদ আলী ছালিম (ই এছ এ), এঞ্জেলিঅ' দি টমাছ (ফ্রান্স) আৰু সুব্রত ব্যাশাক (ভাৰত)। এই প্রতিযোগিতা বিশ্বৰ প্ৰধান আৰু ৰাষ্ট্ৰীয় ফটোগ্রাফীক সংস্থাসমূহৰ কঠোৰ নিৰ্দেশনা, অনুমোদন আৰু স্বীকৃতিৰ অধীনত অনুষ্ঠিত হয়। দুৱৰাৰ এই সাফল্যত ডিব্ৰুগড়বাসীয়ে সন্তুষ্টি প্রকাশ কৰে।

উৎস: দৈনিক জনমভূমি