ডিজিটেল ডেস্কঃ ৰাঁচীৰ ৰাজপথত মহেন্দ্ৰ সিং ধোনী। হয়তো বাট হেৰুৱাইছিল। সেই উপলক্ষে ভাৰতৰ প্ৰাক্তন অধিনায়কগৰাকীক পাই উৎফুল্লিত হৈ পৰে ক্ৰিকেটপ্ৰেমীসকল।
ৰাস্তাৰ কাষৰ দোকান এখনত এখন ক’লা ৰঙৰ গাড়ী ৰৈ গ’ল। চালকৰ আসনত বহি থকা মানুহজনে স্থানীয় লোকৰ পৰা এটা ঠিকনা বিচাৰিছে। বিহাৰৰ স্থানীয় ভাষাত ঠিকনা বিচৰা মানুহজন আন কোনো নহয়। তেওঁ হৈছে মহেন্দ্ৰ সিং ধোনী।
ধূসৰ জিন্স আৰু বগা টি-চাৰ্ট পিন্ধা ভাৰতৰ প্ৰাক্তন অধিনায়কগৰাকীক হঠাতে এনেদৰে সন্মুখত থকা দেখি স্থানীয় ৰাইজ অলপ আচৰিত হৈ পৰিল। তেওঁলোকে ধোনীক ঠিকনাটো ক’লে। স্থানীয় লোকসকলৰ চেল্ফীৰ অনুৰোধো হাঁহি হাঁহি পূৰণ কৰে।
ধোনিৰ এই ভিডিঅ'টো ছচিয়েল মিডিয়াত ভাইৰেল হৈ পৰিছে। ধোনীক ঠিকনা দিয়া ব্যক্তিজন আছিল মুৰাৰী যাদৱ। ছ’চিয়েল মিডিয়াত ধোনিৰ ভিডিঅ’টোৰ অধীনত তেওঁ নিজৰ পৰিচয় দি লিখিছে, “মই সেইজন ভাগ্যৱান মানুহ”।
আন্তঃৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰি এতিয়া ধোনীয়ে কেৱল আই পি এল খেলে। গতিকে এতিয়া ক্ৰিকেটৰ এংগেজমেণ্ট নাই। ব্যৱসায় আৰু অন্যান্য কামত ব্যস্ত। এনে কামৰ বাবে ধোনী ৰাঁচীৰ পৰা বহু দূৰৈৰ কোনোবা ঠাইলৈ গৈছিল।
