হাজোৰ গো ৰিজাৰ্ভত প্ৰশাসনৰ চৰজমিন তদন্ত

ডিজিটেল ডেস্কঃ তীৰ্থনগৰী হাজোৰ সংৰক্ষিত দোকনীয়া গো ৰিজাৰ্ভ এতিয়া অস্তিত্বৰ সংকটত । প্ৰয়াত মুখ্যমন্ত্ৰী তথা হাজোৰ সু-সন্তান লৌহ মানৱ বিঞ্চুৰাম মেধিয়ে গো-পালক আৰু মহ পালক সকলৰ বাবে ১,২ ,৩, ৪নং দোকনীয়া গ্ৰেজিং ৰিজাৰ্ভৰ প্ৰায় ২২ হাজাৰ ভূমি সংৰক্ষণ কৰিছিল । 

সংৰক্ষিত ভূমিত এতিয়া হাজাৰ-হাজাৰ মিঞাৰ আগ্ৰাসন চলিছে । বিভিন্ন সময়ত জিলা প্ৰশাসনে নাম মাত্ৰ উচ্ছেদ চলাই দায়িত্ব সামৰে যদিও উচ্ছেদিত ভূমিত বেদখলকাৰীসকলে বসতি স্হাপন কৰিবলৈ লয় । সম্প্ৰতি মুখ্যমন্ত্ৰী ড° হিমন্ত বিশ্ব শৰ্মাৰ কামৰূপ জিলাৰ আয়ুক্তক দিয়া কঠোৰ নিৰ্দেশৰ এদিন পিছতে জিলা প্ৰশাসনৰ হৈ হাজো ৰাজহ চক্ৰৰ চক্ৰ বিষয়া শৰ্মিষ্ঠা নেওগে এটি সজাতি দল লৈ ৰিৰ্জাভ কেইখনত চৰজমিন তদন্ত চলায় । 

চৰজমিন তদন্তত ৰিৰ্জাভ কেইখনত মিঞাই ঘৰ সাজি খেতি-বাতি কৰাত উদ্বেগ প্ৰকাশ কৰাৰ লগতে অতি কমদিনৰ ভিতৰতে ৰিজাৰ্ভৰ ভূমি খালি কৰিব বুলিও জানিবলৈ দিয়ে। ইফালে মহামান্য গুৱাহাটী উচ্চন্যায়ালয়ে ২০১০ চনতে দোকনীয়া গ্ৰেজিং ৰিৰ্জাভ সংৰক্ষণ সমিতিক দিয়া শপত নামাত প্ৰায় ২০ হাজাৰ ভূমি গ্ৰেজিং ৰিজাৰ্ভৰ নামত থকাৰ কথা স্পষ্টকৈ উল্লেখ থকাৰ পিছতো শেহতীয়াকৈ চলিত বৰ্ষৰ ছেপ্টেম্বৰত হাজো চক্ৰ বিষয়া কাৰ্যালয়ৰ ফালৰ পৰা কৰা জৰীপত কিয় ৮ হাজাৰ ভূমিলৈ হ্ৰাস পালে তাকলৈ সন্দেহ প্ৰকাশ কৰিছে সংৰক্ষণ সমিতিয়ে । 

ইয়াৰ এক উচিত তদন্তৰ দাবী কৰিছে সংৰক্ষণ সমিতিখনে। হাজোৰ ৰাইজ আৰু গোপালক সংৰক্ষণ সমিতিয়ে সংৰক্ষিত ভূমি মিঞাৰ কবলৰ পৰা শীঘ্ৰে উচ্ছেদ কৰি লৌহ মানৱ বিষ্ণুৰাম মেধিৰ সপোন বাস্তৱত ৰূপায়িত কৰিবলৈ জিলা প্ৰশাসনক দাবী জনাইছে।