ডিব্ৰুগড়ত সোণোৱাল কছাৰী স্বায়ত্তশাসিত পৰিষদৰ উদ্যোগত কৃৰ্তী ছাত্ৰ ছাত্ৰীক বিশেষ জলপানি

ডিজিটেল ডেস্কঃ ডিব্ৰুগড়ত সোণোৱাল কছাৰী স্বায়ত্তশাসিত পৰিষদৰ শুভ বৰুৱা শৈক্ষিক প্ৰতিভা আৰু জ্ঞান বিকাশ যোজনা ২০২৫ ৰ অধীনত জলপানি বিতৰণ।

ৰাজ্যখনৰ ৯ খন জিলাৰ হাইস্কুল শিক্ষান্ত আৰু উচ্চতৰ মাধ্যমিক পৰীক্ষাত প্ৰথম বিভাগত উত্তীৰ্ণ হোৱা প্ৰায় ২,১২৫ জন কৃতি শিক্ষাৰ্থীক শুভ বৰুৱা শৈক্ষিক বঁটা প্ৰদান কৰা হয়। আনহাতে দ্বিতীয় আৰু তৃতীয় বিভাগত উত্তীৰ্ণ হোৱা ২,০২৫ জন শিক্ষাৰ্থীক জ্ঞান বিকাশ যোজনাৰ অধীনত জলপানি প্ৰদান কৰা হয় ।

চহৰখনৰ আউনিআটী শাখা সত্ৰৰ প্ৰেক্ষাগৃহত অনুষ্ঠিত হোৱা জলপানি বিতৰণ অনুষ্ঠানত পৰিষদৰ শিক্ষা বিভাগৰ কাৰ্য্যবাহী সদস্য খনিন্দ্ৰ সোনোৱালে আদৰণি ভাষণ আগবঢ়োৱা অনুষ্ঠানত বিশিষ্ট অতিথি হিচাপে কৃতি ছাত্ৰ-ছাত্ৰীক বঁটা প্ৰদান কৰে ডিব্ৰুগড় বিশ্ববিদ্যালয়ৰ অসমীয়া বিভাগৰ প্ৰাধ্যাপক পল্লৱী ডেকা বুজৰবৰুৱাই। 

এই কাৰ্যসূচীত ২ কোটিৰোধিক টকা কৃতিমান শিক্ষাৰ্থীলৈ প্ৰদান কৰা হয়। জলপানি বিতৰণ কাৰ্যসূচীত পৰিষদৰ মুখ্য কাৰ্যবাহী সদস্য হিচাপে উপস্থিত থাকে টংকেশ্বৰ সোনোৱাল,স্বায়ত্তশাসিত পৰিষদৰ কাৰ্যবাহী সদস্য আৰু সাধাৰণ পাৰিষদসহ ডিব্ৰুগড়ৰ বহুকেগৰাকী বিশিষ্ট ব্যক্তিয়ে অংশগ্ৰহণ কৰে। অনুষ্ঠানত ৰাজ্যৰ প্ৰতিখন জিলা সোণোৱাল কছাৰী জনগোষ্ঠীয় ছাত্ৰ-ছাত্ৰী সকলৰ লগতে সোনোৱাল জনগোষ্ঠীৰ ভালেসংখ্যক নাগৰিকে অংশগ্ৰহণ কৰে।