তিনিচুকীয়াৰ বালিজানত মৰাণ লোকসকলক জাতিগত প্ৰমাণ পত্ৰ বিতৰণ

ডিজিটেল ডেস্কঃ অৰুণাচলৰ মৰাণসকলক জাতিগত প্ৰমাণ-পত্ৰ দিয়াৰ প্ৰধান ব্যক্তিজন হ'ল অসমৰ জনপ্ৰিয় মুখ্যমন্ত্ৰী ড° হিমন্ত বিশ্ব শৰ্মা : পিযূষ হাজৰিকা

তিনিচুকীয়া জিলাৰ ডিগবৈ বিধান সভা সমষ্টিত নতুনকৈ সংযোজন হোৱা বালিজানত তিনিচুকীয়া জিলা প্ৰশাসনৰ উদ্যোগত সদৌ মৰাণ ছাত্ৰ সন্থা আৰু মৰাণ সভা আৰু আন আন সহযোগী অনুষ্ঠানসমূহৰ সহযোগত অৰুণাচল প্ৰদেশত বসবাস কৰা মৰাণসকলক জাতিগত প্ৰমাণ-পত্ৰ প্ৰদান অনুষ্ঠানত মুখ্য অতিথি হিচাপে অসম চৰকাৰৰ কেবিনেট মন্ত্ৰী পিযূষ হাজৰিকা উপস্থিত থাকে৷ 

অৰুণাচলত বসবাস কৰা ১১৮ জনক জাতিগত প্ৰমাণ পত্ৰ বিতৰণ কৰে৷ ভাষনত মন্ত্ৰী পিযূষ হাজৰিকাই মুখ্যমন্ত্ৰী ড° হিমন্ত বিশ্ব শৰ্মাৰ মুখ্য পৃষ্ঠপোষকতাত এই জাতিগত প্ৰমাণ পত্ৰ দিয়াৰ বাবে ধন্যবাদ জনাই৷ 

উল্লেখযোগ্য যে অৰুণাচলত বসবাস কৰা লোকসকলে এই জাতিগত প্ৰমাণ পত্ৰৰ দ্বাৰা অসমত সৰ্বটো প্ৰকাৰৰ চাকৰি আৰু শিক্ষাৰ ক্ষেত্ৰত আবেদন কৰিব পাৰিব৷ মন্ত্ৰী পিযূষ হাজৰিকাই অসমৰ মৰমৰ শিল্পী জুবিন গাৰ্গৰ ক্ষেত্ৰতো সংবাদ মাধ্যমৰ আগত মতামত আগবঢ়াই৷ 

বালিজানতে নিৰ্মীয়মাণ বুঢ়ীদিহিং আদৰ্শ মহাবিদ্যালয়ত মন্ত্ৰী পিযূষ হাজৰিকা উপস্থিত হৈ অহা শিক্ষা বৰ্ষৰ পৰা চৰকাৰে আৰম্ভ কৰিব বুলি ঘোষণা কৰে৷ আনহাতে অৰুণাচলৰ পৰা আহি জাতিগত প্ৰমাণ পত্ৰ লোৱা শিক্ষাৰ্থীসকলক উৎফুল্লিত হৈ পৰা দেখা যায়৷