ডিজিটেল ডেস্কঃ মহানগৰীৰ খ্ৰীষ্টানবস্তীৰ শংকৰ কমপ্লেক্সত এজন যুৱকৰ মৃতদেহ উদ্ধাৰ। হেড জ'ন নামৰ এখন পাৰ্লাৰৰ ভিতৰত চিপ লোৱা অৱস্থাত উদ্ধাৰ মৃতদেহটো। মৃত যুৱকজন দৰং ছিপাঝাৰৰ সাগৰ বনিয়া বুলি চিনাক্ত।
হেড জ'ন নামৰ পাৰ্লাৰখনতে কৰ্মৰত আছিল যুৱকজন। পাৰ্লাৰখনৰ পৰা প্ৰায় আঢ়ৈ লাখ টকা পাবলৈ আছিল সাগৰে।
মুকেশ আগৰৱাল নামৰ এজন লোকে চলাই আছিল পাৰ্লাৰখন। পাৰ্লাৰখনত মেনেজাৰ হিচাপে কৰ্মৰত আছিল সাগৰ বনিয়া।
প্ৰায় ৩ বছৰ ধৰি মাহিলি দৰমহা দিয়া নাছিল সাগৰক। টকা নিদিয়াক কেন্দ্ৰ কৰি বৃহস্পতিবাৰে কাজিয়া হৈছিল মালিকৰ সৈতে।
নিশা সেই কথা পৰিয়ালক জনাইছিল মৃত সাগৰ বনিয়াই।
সাগৰ বনিয়াক পৰিকল্পিতভাৱেই হত্যা কৰাৰ অভিযোগ পৰিয়ালৰ। হত্যাকাণ্ড সংঘটিত কৰি ঘটনাক আত্মহত্যাৰ ৰূপ দিবলৈ চেষ্টা চলোৱাৰ অভিযোগ।
ঘটনা সন্দৰ্ভত আৰক্ষীৰ তদন্ত অব্যাহত।
Continue Reading
