ডিজিটেল ডেস্কঃ পশ্চিমবংগত নিৰাপদ নহয় শিল্পী। শাসক দলৰ কৰ্মীৰ হাততে অপদস্থ এগৰাকী জনপ্ৰিয় কণ্ঠশিল্পী। লোকচক্ষুৰ সমুখত মঞ্চতে হাৰাশাস্তিৰ সম্মুখীন কণ্ঠশিল্পী লগ্নজিতা চক্ৰৱৰ্তী।
এখন বিদ্যালয়ৰ অনুষ্ঠানত শিল্পীগৰাকীয়ে পৰিৱেশন কৰি আছিল এটা হিন্দু ধৰ্মীয় গান। ‘দেৱী চৌধুৰাণী’ নামৰ বোলছবিৰ ‘জাগো মা’ গানটো পৰিৱেশন কৰিছিল শিল্পীগৰাকীয়ে। গানটো পৰিৱেশনৰ সময়তে মঞ্চত উঠি শিল্পীগৰাকীক বাধা প্ৰদান কৰে এজন লোকে। মালিক নামৰ এজন TMC নেতাৰ বিৰুদ্ধে অভিযোগ আনিছে লগ্নজিতা চক্ৰৱৰ্তীয়ে।
পূব মিদনাপুৰ জিলাত সংঘটিত হৈছে এই অভাৱনীয় ঘটনা। ঘটনাৰ পাছতে প্ৰাণৰ সংশয়ত দলসহ ঘটনাস্থলীৰ পৰা পলায়ন কৰে শিল্পীগৰাকীয়ে। তৃণমূল কংগ্ৰেছৰ নেতাৰ বিৰুদ্ধে উঠা এই অভিযোগৰ পাছতে সৃষ্টি হৈছে তীব্ৰ প্ৰতিক্ৰিয়াৰ। ইতিমধ্যে শিল্পীগৰাকীৰ অভিযোগৰ ভিত্তিত আৰক্ষীয়ে গ্ৰেপ্তাৰ কৰিছে অভিযুক্তক।
Continue Reading
