গ্ৰীচৰ ৰাজপথ উত্তাল কৰিলে প্রতিবাদী কৃষকে

ডিজিটেল ডেস্ক : সামগ্ৰীৰ দাম বৃদ্ধিৰ বিৰুদ্ধে এইবাৰ গ্ৰীচত ৰাজপথলৈ ওলাই আহিল হাজাৰ হাজাৰ কৃষক। ক্ষুব্ধ প্রতিবাদী কৃষকসকলে বৃহস্পতিবাৰৰ পৰা দেশখনৰ সকলো প্রধান ঘাইপথ, জংচন আৰু টোল ষ্টেছনত ৪৮ ঘণ্টীয়া অৱৰোধ কাৰ্যসূচী গ্ৰহণ কৰিছে।

সামগ্ৰীৰ দাম বৃদ্ধিৰ ফলত কৃষকসকলৰ উৎপাদন ব্যয় বৃদ্ধি পোৱাত আৰু ইউৰোপিয়ান ইউনিয়নৰ লগত দেশখনে কৰা বাণিজ্য চুক্তিৰ বিৰোধিতা কৰি কৃষকসকলে তীব্র প্রতিবাদ সাব্যস্ত কৰিছে। 

বৰ্তমানলৈকে আৰক্ষীয়ে প্রতিবাদী কৃষকৰ বিৰুদ্ধে কোনো ব্যৱস্থা গ্রহণ কৰা নাই, যদিও দেশখনৰ চৰকাৰে দীঘলীয়া অৱৰোধ কাৰ্যসূচী অধিক সহ্য কৰা নহ'ব বুলি প্রতিবাদকাৰীসকলক সকীয়াই দিছে। 

প্রতিবাদী কৃষকসকলে মূল ঘাইপথসমূহত শাৰী শাৰীকৈ ট্ৰেক্টৰ ৰখাই পথ আৱৰোধ কৰি ৰাখিছে। যাৰ ফলত সমগ্র দেশজুৰি তীব্র যান-জঁটৰ সৃষ্টি হৈছে। আৰক্ষীয়ে যান-বাহনৰ বাবে বিকল্প পথৰ ব্যৱস্থা কৰিছে যদিও সকলো স্থানতে সেয়া সম্ভৱ হোৱা নাই।