৪ ডিচেম্বৰত ভাৰতলৈ আহিব পুটিন

ডিজিটেল ডেস্ক : ৰাছিয়াৰ ৰাষ্ট্ৰপতি ভ্লাডিমিৰ পুটিনে অহা চাৰি ডিচেম্বৰত দুদিনীয়া ভ্রমণসূচী লৈ ভাৰত ভ্ৰমণ কৰিব। ২০২২ চনত আৰম্ভ হোৱা ইউক্রেইন যুদ্ধৰ পাছত পুটিনৰ এয়া প্ৰথম ভাৰত ভ্ৰমণ। 

ৰাছিয়াৰ ৰাষ্ট্ৰপতিজনে ২৩ সংখ্যক ভাৰত-ৰাছিয়া শীর্ষ সন্মিলনত অংশগ্রহণ কৰিব। উল্লেখযোগ্য যে প্ৰতি বছৰে দুয়োখন দেশে সলনাসলনিকৈ এই শীর্ষ সন্মিলনৰ আয়োজন কৰে। শীর্ষ সন্মিলনৰ সময়ত পুটিনে প্রধানমন্ত্রী নৰেন্দ্ৰ মোদীৰ সৈতে আলোচনাত মিলিত হ'ব। 

দুয়োখন দেশৰ মাজত হোৱা আলোচনাৰ সময়ত খাৰুৱা তেল ক্ৰয়ৰ চুক্তিৰ লগতে এছ-৪০০ ক্ষেপণাস্ত্র প্রণালী ক্রয়, মুক্ত বাণিজ্য চুক্তিৰ দৰে বিষয়ে স্থান পোৱাৰ সম্ভাৱনা আছে। ৰাষ্ট্ৰপতি দ্রৌপদী মুর্মুৱে পুটিনৰ সন্মানার্থে নৈশ ভোেজৰ আয়োজন কৰিব। ৰাষ্ট্ৰপতি মুর্মুৱে ৰাষ্ট্ৰপতি ভৱনত পুটিনক আদৰণি জনাব।

উৎসঃ দৈনিক জনমভূমি