--°C
Loading...
Listen to Article
5 min read
80%

In Short

  • লোকপ্রিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰৰ নৱনিৰ্মিত বিমান বন্দৰ টার্মিনেলটো বিমান যাত্ৰাৰ সুন্দৰ অভিজ্ঞতা প্ৰদানৰ বাবে উত্তৰ-পূৰ্বাঞ্চলৰ আটাইতকৈ উন্নত বিমান পৰিবহণ কেন্দ্ৰ হিচাপে সাজু হৈছে।

ডিজিটেল ডেস্ক : দেশ-বিদেশৰ শীর্ষস্থানীয় মহানগৰসমূহৰ শেহতীয়াভাৱে দৰেই গুৱাহাটী মহানগৰতো প্রশস্ত হৈছে ভাৰতীয় বিমান পৰিবহণৰ স্বর্ণিল যাত্রা। 


লোকপ্রিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰৰ নৱনিৰ্মিত বিমান বন্দৰ টার্মিনেলটো বিমান যাত্ৰাৰ সুন্দৰ অভিজ্ঞতা প্ৰদানৰ বাবে উত্তৰ-পূৰ্বাঞ্চলৰ আটাইতকৈ উন্নত বিমান পৰিবহণ কেন্দ্ৰ হিচাপে সাজু হৈছে। অহা ২০ ডিচেম্বৰত দেশৰ প্ৰধানমন্ত্ৰী নৰেন্দ্ৰ মোদীয়ে আনুষ্ঠানিকভাৱে মুকলি কৰিব লগীয়া আৰু আদানি এয়াৰপ'ৰ্ট হোল্ডিংছ লিমিটেডে নিৰ্মাণ কৰি উলিওৱা এই অত্যাধুনিক বিমান পৰিবহণ সুবিধাটোত সংযোজন ঘটিছে ডিজাইন, ডিজিটেল চোৰাংচোৱা আৰু অটোমেশ্যনৰ মিশ্রণ, য'ত ভাৰতৰ প্ৰথমটো ৰিম 'ট চেক-ইন ব্যৱস্থাৰ পৰা পৰৱৰ্তী প্ৰজন্মৰ বেগেজ হেণ্ডলিঙলৈকে নিৰৱচ্ছিন্ন, বহনক্ষম আৰু স্মার্ট বিমান ভ্ৰমণৰ সফলতাৰ নতুন মাপকাঠী নিৰ্ধাৰণ হৈছে। 


লোকপ্রিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰত নতুন টার্মিনেলৰ উদ্বোধনৰ লগে লগে উত্তৰ-পূৰ্বাঞ্চলৰ আটাইতকৈ ব্যস্ত বিমান বন্দৰটোৰ ৰূপান্তৰ ঘটিব এক স্মার্ট বিমান ভ্রমণ কেন্দ্রলৈ। নতুন টার্মিনেলটোৰ আটাইতকৈ ডাঙৰ বৈশিষ্ট্যটো হ'ল দেশৰ আন বহুকেইটা আগশাৰীৰ বিমান বন্দৰত এতিয়াও সংযোজন হ'বলৈ বাকী থকা অত্যাধুনিক প্ৰযুক্তিৰ। বিমান বন্দৰটোত সদায়েই দেশৰ বিভিন্ন প্ৰান্তত পিছপৰা অঞ্চল বুলি প্রকাশ্যে শুনি অহা উত্তৰ-পূৰ্বাঞ্চলৰ বিমান যাত্রীসকলক কেনেকৈ বিমান যাত্ৰাৰ নতুন সোৱাদ দিব পৰা যায় বা দেশ-বিদেশৰ বিভিন্ন প্ৰান্তৰ পৰা উত্তৰ-পূর্বাঞ্চললৈ অহা যাত্রীক কেনেকৈ এক সুকীয়া অভিজ্ঞতা প্রদান কৰিব পৰা যায় তাত গুৰুত্ব প্রদান কৰা হৈছে। 


বছৰি ৯ লাখতকৈ অধিক যাত্রীক চম্ভালিব পৰাকৈ প্ৰস্তুত কৰা এই টার্মিনেলত এনে ভালেমান উন্নত ব্যৱস্থা আৰু সুবিধাৰ সংমিশ্রণ ঘটোৱা হৈছে, যিয়ে বিমান যাত্রাক আগৰ তুলনাত দ্রুত, নিৰাপদ আৰু অধিক আনন্দিত কৰি তুলিবলৈ সক্ষম হ'ব। টার্মিনেলৰ ভিতৰত এনেধৰণৰ সুবিধা প্রদান কৰা হৈছে যাৰ জৰিয়তে যাত্ৰীয়ে কোনো অসুবিধা নোহোৱাকৈ বিমান বন্দৰত উপস্থিত হৈ নিজ বিমান অভিমুখে আগবাঢ়ি যাবলৈ সক্ষম হয়। ইয়াৰ বিশেষ সেৱাসমূহৰ ভিতৰত অন্যতম হ'ল ১২টা স্বয়ংক্রিয় ট্রে উদ্ধাৰ ব্যৱস্থা (এ টি আৰ এছ) আৰু ইয়াক উত্তৰ-পূৰ্বাঞ্চলত প্রথমবাৰৰ বাবে প্ৰৱৰ্তন কৰা হৈছে, য'ত স্বয়ংক্রিয়ভাৱে ট্ৰেখন ঘূৰাই দি সুৰক্ষা পৰীক্ষণ ক্ষিপ্ৰভাৱে সম্পন্ন কৰিব পাৰি। ইয়াৰ উপৰি আঠটা ছেল্‌ল্ফ বেগ ড্রপ (এছ বি ডি) কাউণ্টাৰৰ ব্যৱস্থা ৰখা হৈছে যদিও সম্প্রতি ইয়াৰে ছটাহে প্রথম পর্যায়ত কার্যক্ষম হ'ব। ইয়াৰ জৰিয়তে বিমান যাত্ৰীসকলে নিজাববীয়াকৈ চেক-ইন বা বিমানত প্ৰৱেশৰ প্ৰাৰম্ভিক কামসমূহ সম্পূৰ্ণ কৰিবলৈ সমৰ্থ হয়। এই প্রক্ৰিয়াৰে পূৰ্বৰ তুলনাত সুশৃংখলিতভাৱে আৰু কম সময়ত বিমান যাত্ৰাৰ এই কাম সম্পন্ন হয়। 


নৱনির্মিত টার্মিনেলৰ আন এক উল্লেখনীয় ব্যৱস্থা হ'ল ইন্টিগ্রেটেড লেভেল হোল্ড বেগেজ স্ক্রীনিং (আই এল এইচ বি এছ) ব্যৱস্থা, য'ত বিমান যাত্ৰাত ব্যৱহাৰৰ বাবে পূর্বে পঞ্জীয়ন কৰি ৰখা বেগসমূহৰ বাবে পাঁচটা স্তৰৰ স্ক্রীনিং ব্যৱহাৰ কৰা হয়, যিয়ে সুৰক্ষা আৰু নিখুঁত ব্যৱস্থাৰ বিশ্ব মানৰ নিশ্চিতি প্ৰদান কৰে। এই সমগ্ৰ ব্যৱস্থাটোক নিয়ন্ত্ৰণ কৰে সম্পূৰ্ণ সংহত বেগেজ নিয়ন্ত্রণ ব্যৱস্থাই, যিয়ে দুটা শাৰীত প্রতি ঘণ্টাত প্রায় ২,৪০০টা বেগ চালন কৰিবলৈ সক্ষম হয়। 


তৃতীয় শাৰীৰ সহায়ত এই বেগ চালনৰ ক্ষমতা প্রতি ঘণ্টাত আকর্ষণীয়ভাৱে ৩৬০০টালৈ বৃদ্ধি কৰিব পাৰিব বুলি জানিব পৰা গৈছে। যাক পূৰ্বাঞ্চলৰ বিমান যাত্ৰীৰ বাবে এনেধৰণৰ প্ৰথম আৰু অনন্য সেৱা বুলি ক'ব পৰা যায়। বিমান বন্দৰত প্ৰৱেশৰ পৰা প্ৰস্থানলৈকে প্রতিটো পদক্ষেপ ডিজিটেল, স্বচ্ছ আৰু কাৰ্যক্ষম। টার্মিনেলটোৰ আন এক সুকীয়া বৈশিষ্ট্য হ'ল প্ৰথমবাৰৰ বাবে গুৱাহাটীৰ পৰা উৰাজাহাজেৰে যাত্ৰা কৰা যাত্ৰীসকলে মূল টার্মিনেল বিল্ডিঙত প্ৰৱেশ কৰাৰ পূৰ্বেই লটাৰী চেক ইন কৰি ব'র্ডিং পাছ সংগ্ৰহ কৰিব পাৰিব। ইয়াৰ ৰিম'ট চেক-ইন সুবিধা সম্পূর্ণরূপে স্বয়ংক্রিয় আৰু টার্মিনেলৰ বেগেজ হেণ্ডলিং ছিষ্টেম (বি এইচ এছ)ৰ সৈতে নিখুঁতভাৱে সংযুক্ত কৰি ৰখা হৈছে। এই উদ্ভাবনে যান-জট হ্রাস কৰাৰ লগতে সময় ৰাহি কৰে আৰু কাৰ্যকৰী দক্ষতা বৃদ্ধি কৰে। ফলত ভ্রমণকাৰীসকলে উৰণৰ পূৰ্বেই বিশ্বমানৰ অভিজ্ঞতা লাভ কৰিবলৈ সক্ষম হ'ব।


উৎসঃ দৈনিক জনমভূমি


FOLLOW US F
POPULAR
FEATURE
TRENDY
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ডেটিং এপৰ প্ৰেম: কানাডাৰ পৰা ভাৰতলৈ অহা ৬১ বছৰীয়া মহিলাক বিয়া কৰাবলৈ অস্বীকাৰ যুৱকৰ
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী