--°C
Loading...
Listen to Article
4 min read
80%

In Short

  • কালি সন্ধিয়া ৬-৩০ বজাত লখিমপুৰ নগৰৰ ত্যাগক্ষেত্ৰত হাজাৰ হাজাৰ টাই আহোম জনগোষ্ঠীৰ লোক সমৱেত হৈ জনজাতিকৰণৰ দাবীত গণহুংকাৰ দি ত্যাগক্ষেত্ৰৰ পৰাই বৃহৎ জোঁৰ সমদল উলিয়ায়।

ডিজিটেল ডেস্ক : হাজাৰ হাজাৰ টাই আহোমৰ গৰ্জনত কালি সন্ধিয়া কঁপি উঠিল লখিমপুৰ। আহোমকে ধৰি ছয় জনগোষ্ঠীক শীঘ্রে জনজাতিকৰণৰ দাবীত কালি লখিমপুৰৰ ৰাজপথত হাতে হাতে জোঁৰ শিখা লৈ হাজাৰ হাজাৰ টাই আহোমে কেন্দ্ৰ-ৰাজ্য চৰকাৰলৈ তীব্র সকীয়নিৰে গর্জন তুলি যিকোনো পৰিস্থিতিত আহোমক জনজাতিকৰণ দিয়াৰ দাবী তুলি ৰাজপথ উত্তাল কৰি তোলে।


কালি সন্ধিয়া ৬-৩০ বজাত লখিমপুৰ নগৰৰ ত্যাগক্ষেত্ৰত হাজাৰ হাজাৰ টাই আহোম জনগোষ্ঠীৰ লোক সমৱেত হৈ জনজাতিকৰণৰ দাবীত গণহুংকাৰ দি ত্যাগক্ষেত্ৰৰ পৰাই বৃহৎ জোঁৰ সমদল উলিয়ায়। টাই আহোম ছাত্র সন্থা কেন্দ্রীয় সমিতিৰ আহ্বানত লখিমপুৰ জিলা সমিতি আৰু ঐক্যবদ্ধ আহোম ৰাইজৰ উদ্যোগত জনজাতিকৰণ আৰু স্বায়ত্ত শাসন প্ৰদানৰ দাবীত হাতে হাতে জোঁৰ লৈ লখিমপুৰ নগৰৰ মাজেৰে উত্তাল ধ্বনিৰে চৌদিশ কঁপাই তোলে। 


'আহোম আজি জাগিছে', 'আহোম আজি ৰাজপথত', 'হিমন্ত বিশ্ব শৰ্মাৰ কাম নাই', 'শুনি ল শুনি ল, নৰেন্দ্ৰ মোদীয়ে শুনি ল', 'আহ ঐ আহ ওলাই আহ', 'আমাক জনজাতিকৰণ লাগিবই', 'বিজেপি গ' বেক', 'কোনে কয় লাচিত নাই, হাজাৰ লাচিত আগুৱাই' আদি ধ্বনিৰে 'বিজেপি গ' বেক, 'আমাক এছ টি লাগিবই', 'ন' এছ টি ন' ৰেষ্ট', 'ন' এছ টি ন' ভোট' ধবনিৰে প্রায় ৩ কিল'মিটাৰ দৈৰ্ঘ্যৰ সমদল উলিয়াই নগৰৰ মাজমজিয়াৰ টেক্সি ষ্টেণ্ডত এক প্রতিবাদী সভা অনুষ্ঠিত কৰে। প্ৰতিবাদী সভাত আটাছুৰ কেন্দ্ৰীয় নেতা মনোজ গগৈয়ে কয়, 'আমাৰ স্পষ্ট কথা, ২০১৯ চনৰ ৯ জানুৱাৰীত ৰাজ্য সভাত যিখন বিল উত্থাপন হ'ল তাৰ পৰৱৰ্তী অংশহে আমাক লাগে। অৰ্থাৎ ৰাজ্য সভা, লোক সভাত বিল উত্থাপন হ'ব লাগে, পাছ হ'ব লাগে, ৰাষ্ট্ৰপতিৰ স্বাক্ষৰ হ'ব লাগে, গেজেটে নটিফিকেশ্যন ওলাব লাগে আৰু টাই আহোম জনগোষ্ঠীক অনুসূচিত জনজাতিৰ তালিকাভুক্ত কৰিব লাগে। ইয়াৰ পাছতো যদি মন্ত্রীগোটে প্রতিবেদন দিয়াত হীন-ডেঢ়ি কৰে তেতিয়াহ'লে টাই আহোমসকল হাত সাবটি বহি নাথাকে। বিগত কংগ্রেছ চৰকাৰৰ ১৫ বছৰীয়া শাসন ওফৰাবলৈ যিদৰে প্রতিশ্রুতিবদ্ধ হৈছিলোঁ, সেইদৰে বিজেপি চৰকাৰকো ওফৰাবলৈ আমি সাজু হৈছোঁ। ইয়াৰ পাছতো যদি বিজেপি চৰকাৰে আমাক প্ৰতাৰণা কৰে চামধৰা গড়ৰ পৰা শদিয়ালৈকে সুকীয়া ৰাজ্য বিচৰাৰ কথা চিন্তা কৰাৰ বাবে বাধ্য হ'ব বুলি সকীয়াই দিয়ে। 


আনহাতে, আটাছুৰ আন এজন কেন্দ্ৰীয় নেতা তথা সভাপতি বসন্ত গগৈয়ে কয়- 'জনজাতিকৰণৰ জাতিৰ দলিলখন যদি ৰাজনীতিৰ মেৰপেঁচত বন্দী হয়, ৰাজনৈতিক গিনিপিগ সজোৱাৰ কামবিলাক কৰে, তেতিয়া জাতি জাগ্রত হ'ব, জাতিয়ে তাৰ প্ৰত্যুত্তৰ দিব বুলি কয়। কালিৰ এই প্ৰতিবাদী কাৰ্যসূচীৰ নেতৃত্ব দিয়ে আটাছুৰ মুখ্য উপদেষ্টা দুলাল বৰুৱা, যুটীয়া সম্পাদক দিগন্ত চাংমাই, টাই সাহিত্য সভাৰ সভাপতি তেলিৰাম দুৱৰাৰ লগতে আটাছু নেতা অচ্যুৎ বুঢ়াগোহাঁই, লক্ষ্য কোঁৱৰ, হিলটন কোঁৱৰ আদিয়ে।



উৎসঃ দৈনিক জনমভূমি




FOLLOW US F
POPULAR
FEATURE
TRENDY
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
আত্মীয়ক বিদায় দিবলৈ গৈ বন্দে ভাৰত এক্সপ্ৰেছত বন্দী ১২ জন; ১৫০ কিলোমিটাৰ যাত্ৰা কৰি ভৰিলে ৩৬ হাজাৰ টকাৰ জৰিমনা
ডেটিং এপৰ প্ৰেম: কানাডাৰ পৰা ভাৰতলৈ অহা ৬১ বছৰীয়া মহিলাক বিয়া কৰাবলৈ অস্বীকাৰ যুৱকৰ
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী