আজি সশস্ত্ৰ বাহিনীৰ পতাকা দিৱস ; এই দিৱসৰ ইতিহাস আৰু তাৎপৰ্য কি

ডিজিটেল ডেস্কঃ আজিৰ দিনটোত সমগ্ৰ দেশতে তিনিওটা সুৰক্ষা সেৱাক প্ৰতিনিধিত্ব কৰা ৰঙা, গভীৰ নীলা আৰু পাতল নীলা ৰঙৰ সৰু পতাকা আৰু বাহনৰ চিহ্ন থকা পতাকা আগবঢ়োৱা দানৰ বিনিময়ত বিতৰণ কৰা হয় ৷

সশস্ত্ৰ বাহিনীৰ পতাকা দিৱস এক স্মৰণীয় অনুষ্ঠান ৷ এই দিৱসৰ জৰিয়তে সাধাৰণ লোকসকলে দেশৰ বৰ্তমান আৰু প্ৰবীণ সামৰিক কৰ্মীসকলৰ প্ৰতি কৃতজ্ঞতা আৰু প্ৰশংসা প্ৰকাশ কৰে আৰু দেশৰ সেৱাত নিয়োজিত অৱস্থাত মৃত্যু হোৱা সৈনিকসকলক স্বীকৃতি প্ৰদান কৰে ৷

পতাকা দিৱস পালন কৰাৰ মূল উদ্দেশ্য হৈছে যুদ্ধত হতাহতসকলৰ পুনৰ্সংস্থাপন, সেৱা আগবঢ়োৱা কৰ্মচাৰী আৰু তেওঁলোকৰ পৰিয়ালৰ কল্যাণ, প্ৰাক্তন সৈনিক আৰু তেওঁলোকৰ পৰিয়ালৰ পুনৰ্সংস্থাপন আৰু কল্যাণ সাধন কৰা ৷ 

ভাৰতীয় সশস্ত্ৰ বাহিনীৰ তিনিওটা শাখা ক্ৰমে ভাৰতীয় সেনা, ভাৰতীয় বায়ু সেনা আৰু নৌ সেনাই দেশৰ সুৰক্ষা নিশ্চিত কৰাৰ বাবে তেওঁলোকৰ কৰ্মচাৰীসকলৰ প্ৰচেষ্টা সাধাৰণ ৰাইজৰ মাজত প্ৰদৰ্শন কৰিবলৈ বিভিন্ন অনুষ্ঠান, কাৰ্ণিভেল, নাটক আৰু অন্যান্য মনোৰঞ্জন কাৰ্যসূচীৰ ব্যৱস্থা কৰা হয় ৷