ডিজিটেল ডেস্কঃ কাছাৰ জিলাৰ বড়খলা অঞ্চলৰ বুডিবাইলত এক ভয়ংকৰ পথ দুৰ্ঘটনা সংঘটিত হৈছে। কাটিগড়া-বড়খলা সংযোগী পথত মঙ্গলবাৰে নিশা এই দুৰ্ঘটনা ঘটে।
জানিব পৰা মতে, বড়খলাৰ ফালৰ পৰা বাইকেৰে কাটিগড়াৰ দিশে গৈ থকা দুজন বাইক আৰোহীক বিপৰীত দিশৰ পৰা অহা এটা অচিনাকি বাহনে খুন্দা মাৰি ঘটনাস্থলীৰ পৰা পলায়ন কৰে।
দুৰ্ঘটনাৰ তীব্ৰ শব্দ শুনি স্থানীয় লোকে হদুয়োজন বাইক আৰোহীক সংকটজনক অৱস্থাত পথত পৰি থকা দেখা পায়। পিছত তেওঁলোকক উদ্ধাৰ কৰি এম্বুলেন্সেৰে শিলচৰ চিকিৎসা মহাবিদ্যালয় আৰু হাস্পতাললৈ প্ৰেৰণ কৰে।.
আহত দুজন যুৱক কাটিগড়াৰ মহাদেৱপুৰৰ বাসিন্দা কামিল ইছলাম আৰু আবিদ হোসেন বুলি জানিব পৰা গৈছে। ঘটনাৰ খবৰ পোৱাৰ লগে লগে আৰক্ষী ঘটনাস্থলীত উপস্থিত হৈ তদন্ত আৰম্ভ কৰে।
Continue Reading
