ডিজিটেল ডেস্কঃএক ভাবিব নোৱাৰা পৰিবেশ। শীতৰ সংহাৰে এতিয়া কাবু কৰিছে ৰাছিয়াক। পৃথিৱীৰ আটাইতকৈ শীতল ঠাই বুলি জনাজাত চাইবেৰিয়ান চহৰ এখনত অস্বাভাৱিকভাবে ঠাণ্ডা পৰিছে। ইয়াকুটস্ক চহৰত তাপমাত্ৰা -৫০ ডিগ্ৰী চেলচিয়াছৰ তললৈ নামি যোৱাত এতিয়া সেই চহৰত জলাশয় বুলি একো নাই, সকলো বৰফ হৈ পৰিছে। 
আনকি মাছ-কাছ আদিও বৰফলৈ ৰূপান্তৰিত হৈছে। ৰাছিয়াৰ ৰাজধানী মস্কোৰ পৰা ৫,০০০ কিলোমিটাৰ পূবত অৱস্থিত খনি চহৰ খনৰ বাসিন্দাসকলে বছৰৰ আৰম্ভনিতে তাপমাত্ৰা -৪০ ৰ তললৈ নামি যোৱা দেখা পাইছিল।এতিয়া সেই তাপমাত্ৰা- ৫০ ডিগ্ৰী চেলছিয়াচৰ তললৈ নামিছে।চহৰ খনৰ বাসিন্দা আনাস্তাছিয়া গ্ৰুজদেৱাই কয় " আপুনি এনে পৰিবেশৰ সৈতে যুঁজিব নোৱাৰে।
আপুনি যিমানেই গৰম পোছাকনিপিন্ধক কিয়, এনে শীতৰ সৈতে সহাৱস্থান কৰাটো অতি কঠিন হ’ব। " । চহৰ খনৰ লোকসকলে স্কাৰ্ফ, দুযোৰ হাতমোজা , একাধিক টুপী আৰু হুড পিন্ধিহে কাম থাকিলে বাহিৰলৈ ওলাইছে। কিন্তু ৰাছিয়াৰ য়াকুটস্কৰ স্থায়ী বাসিন্দাসকলে এনে শীত সহ্য কৰিব পৰা হৈছে। চহৰ খনৰ আন এগৰাকী বাসিন্দা নুৰগুচুন ষ্টাৰোষ্টিনাই কয় যে তাত ফ্ৰিজ বা ফ্ৰীজাৰৰ কোনো প্ৰয়োজন নাই। তেওঁ লগতে কয় যে ঠাণ্ডাৰ সৈতে সহাৱস্থান কৰাৰ বাবে আন কোনো বিকল্প তেওঁলোকৰ বাবে নাই।
Continue Reading
