ডিজিটেল ডেস্কঃ ৰামায়ণৰ আধাৰত নিৰ্মিত 'আদিপুৰুষ' ছবিৰ বিতৰ্কৰ মাজতে সৰু পৰ্দালৈ উভতি আহিব ৰামানন্দ সাগৰৰ 'ৰামায়ণ'। এটা সময় আছিল, যিটো সময়ত ৰামানন্দ সাগৰৰ 'ৰামায়ণ' ধাৰাবাহিকে দেশ তথা বিদেশতো ধুমুহাৰ সৃষ্টি কৰিছিল। 'আদিপুৰুষ' ছবি খনকো ৰামায়ণৰ সৈতে তুলনা কৰি প্ৰযোজক-পৰিচালকে চলোৱাৰ চেষ্টা কৰিছিল যদিও সেই চেষ্টা যেন সফল হোৱা নাই।
বহুলোকে ৰামানন্দ সাগৰৰ 'ৰামায়ণ'ৰ সৈতে 'আদিপুৰুষ' ৰ কোনো তুলনাই সম্ভৱ নহয় বুলি কৈ আহিছে।এতিয়া পুনৰ ৰামানন্দ সাগৰৰ 'ৰামায়ণ' সৰু পৰ্দালৈ উভতি আহিব। ৰাম, সীতা আৰু লক্ষ্মণক অহা সপ্তাহৰ পৰা পুনৰ সৰু পৰ্দাত দেখা যাব।
ধাৰাবাহিক 'ৰামায়ণ' ১৯৮৭ চনত ডিডি নেচনেলত স্প্ৰচাৰ হৈছিল। ধাৰাবাহিক খনত অৰুণ গোভিলে ৰামৰ চৰিত্ৰত অভিনয় কৰিছিল। সীতাৰ ভূমিকাত অভিনয় কৰিছিল দীপিকা চিকালিয়াই। সুনীল লোহৰিয়ে লক্ষ্মণৰ চৰিত্ৰত অভিনয় কৰিছিল। অৰবিন্দ ত্ৰিবেদীয়ে ৰাৱণৰ চৰিত্ৰত অভিনয় কৰিছিল। দাৰা সিঙক আকৌ হনুমানৰ চৰিত্ৰত দেখা গৈছিল। প্ৰতিটো চৰিত্ৰই যথেষ্ট জনপ্ৰিয় হৈ পৰিছিল। বহুতৰে দৃষ্টিত সেই অভিনেতা-অভিনেত্ৰীসকল এতিয়াও ৰাম-সীতা-লক্ষ্মণ আৰু হনুমান।
ইফালে, ১৬ জুনত ছবিগৃহত মুক্তি লাভ কৰে 'আদিপুৰুষ' ছবি খনে । ভিএফএক্স চলচ্চিত্ৰখন যথেষ্ট সমালোচনাৰ সন্মুখীন হৈছে। ছবিখনৰ বিৰুদ্ধে একাধিক গোচৰ ৰুজু কৰা হৈছে। এনে পৰিস্থিতিত পুৰণি ৰামায়ণ 'চিমাৰু টিভি'লৈ উভতি আহিছে। শৃংখলাটো ৩ জুলাইৰ পৰা প্ৰতিদিনে সন্ধিয়া ৭.৩০ বজাৰ পৰা সম্প্ৰচাৰিত হ'ব। ইতিমধ্যে এই বিষয়ক এটা প্ৰমো মুকলি কৰা হৈছে।
Continue Reading
