ডিজিটেল ডেস্কঃ আফগানিস্তানৰ বিৰুদ্ধে টি-২০ শৃংখলাৰ বাবে ১৬ জনীয়া দল ঘোষণা কৰিছে ভাৰতে। ৰোহিত শৰ্মা আৰু বিৰাট কোহলীক সেই দলত ৰখা হৈছে। ২০২২ চনৰ টি-২০ বিশ্বকাপৰ পাছত পুনৰ ভাৰতৰ হৈ টি-২০ খেলা দেখা যাব ৰোহিত আৰু বিৰাটে। অনুমান কৰা হৈছে যে ২০২৪ চনত টি-২০ বিশ্বকাপত তেওঁলোকক দেখা যাব।
আফগানিস্তানৰ বিৰুদ্ধে ঘোষণা কৰা দলত তিনিগৰাকী অ’পেনাৰ আছে। ৰোহিতৰ উপৰিও দলটোত আছে শুবমান গিল আৰু ইয়াছৱী জয়ছৱাল। বিৰাট হ’ব তিনি নম্বৰ। আঘাতপ্ৰাপ্ত সূৰ্যকুমাৰ যাদৱৰ ঠাইত মিডল অৰ্ডাৰ চম্ভালিবলৈ আছে তিলক ভাৰ্মা আৰু ৰিংকু সিঙক ৰখা হৈছে। জিতেশ শৰ্মা আৰু সঞ্জু চেমছনক উইকেটৰক্ষক হিচাপে দলত আছে।
আঘাতপ্ৰাপ্ত হৰ্দিক পাণ্ডিয়াও। শিৱম ডুবে, ৱাশ্বিংটন সুন্দৰে আৰু অক্ষৰ পেটেল অল ৰাউণ্ডাৰ হিচাপে দলত আছে। স্পিন বিভাগৰ দায়িত্বত আছে ৰবি বিষ্ণয় আৰু কুলদীপ যাদৱ। দলটোত তিনিজন পেচাৰ আছে। বংগৰ মুকেশ কুমাৰৰ লগতে পেচ বিভাগ চম্ভালিবলৈ বাকী আছে আৰ্শদীপ সিং আৰু মুকেশ কুমাৰ।
ভাৰতে আফগানিস্তানৰ বিৰুদ্ধে তিনিখন টি-২০ মেচ খেলিব। ১১ জানুৱাৰীৰ প্ৰথমখন খেল মোহালীত। দ্বিতীয়খন খেল ইন্দোৰত। সেই মেচখন হ’ব ১৪ জানুৱাৰীত। বেংগালুৰুত শেষৰখন খেল। সেই মেচখন হ’ব ১৭ জানুৱাৰীত। সন্ধিয়া ৭ বজাৰ পৰা আৰম্ভ হ’ব সকলো খেল।
ভাৰতীয় দল : ৰোহিত শৰ্মা (অধিনায়ক), শুবমান গিল, যশৱী জয়ছোৱাল, বিৰাট কোহলী, তিলক বৰ্মা, ৰিংকু সিং, জীতেশ শৰ্মা (উইকেটকীপাৰ), সঞ্জু চেমচন (উইকেটকীপাৰ), শিৱম ডুবে, ৱাশ্বিংটন সুন্দৰ, অক্ষৰ পেটেল, ৰবি বিষ্ণোই, কুলদীপ যাদৱ , আৰ্শদীপ সিং, আবেশ খান আৰু মুকেশ কুমাৰ।
Continue Reading
