ডিজিটেল ডেস্কঃ কেৱল শৌচাগাৰত যিকোনো ধৰণৰ জন্তুৰ সন্মুখীন হোৱাৰ চিন্তাটোৱেই নিজৰ বাবেই এক দুঃস্বপ্ন। এতিয়া কল্পনা কৰকচোন আগ্ৰাৰ এখন গাঁৱৰ মানুহে এটা অট্টালিকাৰ শৌচাগাৰত ৭ ফুট দৈৰ্ঘ্যৰ ঘঁৰিয়াল পোৱাৰ পিছত হাঁহাকাৰৰ সৃষ্টি কৰিছে৷
উত্তৰ প্ৰদেশৰ ফিৰোজপুৰ জিলাৰ নাগলা পাছি গাঁৱত এই ঘটনা সংঘটিত হয়। দেওবাৰে পুৱা অট্টালিকাৰ শৌচাগাৰত এই ৭ ফুট দীঘল কুম্ভীৰটো পাই গাঁওবাসী স্তম্ভিত হৈ পৰে আৰু লগে লগে মালিকক খবৰ দিয়ে৷ তাৰ পিছত ঘৰৰ মালিকে বন বিভাগক সহায়ৰ বাবে ফোন কৰে।
ইয়াৰ পিছত বন বিভাগে বন্যপ্ৰাণী এছ অ’ এছক এই বিষয়ে অৱগত কৰে। এন জি অ’টোৰ পৰা কমেও চাৰিজনীয়া এটা দলে সকলো প্ৰয়োজনীয় সা-সঁজুলি লৈ সেই স্থানত উপস্থিত হয়। ক্লান্তিকৰ অভিযানৰ অন্তত উদ্ধাৰকাৰী দলটোৱে ফান্দৰ পিঞ্জৰা ব্যৱহাৰ কৰি সাৱধানে কুম্ভীৰটোক কোঠাৰ পৰা উলিয়াই আনে।
মানুহক সোধা-পোছা কৰাৰ পিছত গম পোৱা যায় যে কুম্ভীৰটো নিশ্চয় ওচৰৰ পুখুৰীৰ পৰা লুকাই চুৰকৈ ভিতৰলৈ সোমাই আহিছিল। উদ্ধাৰ কৰাৰ পিছত বন্যপ্ৰাণী এছ অ’ এছৰ দলটোৱে অৱশেষত কুম্ভীৰটোক এক সুস্থ জলভাগত এৰি দিয়ে।
Continue Reading
