ডিজিটেল ডেস্কঃ অতি সোনকালেই জোয়া আখতাৰৰ নতুন ধাৰাবাহিক ‘দ্য আৰ্চিজ’ৰ জৰিয়তে অভিনেত্ৰী হিচাপে আত্মপ্ৰকাশ কৰিব চুহানাই। ছবিখনৰ কাহিনী বিদেশী কমিক্সৰ পৰা অনুপ্ৰাণিত, আৰ্চি-ভেৰ’নিকা আৰু বেটীক ভাৰতলৈ অনা হ’ব ষাঠিৰ দশকত। এই ছবিখনত ভেৰ’নিকা লজৰ চৰিত্ৰত দেখা যাব শ্বাহৰুখৰ কন্যাক।
সৰুৰে পৰা কেমেৰাৰ সন্মুখত ডাঙৰ হৈ আহিছে সুহানাই। বহিঃৰাষ্ট্ৰত অভিনয়ৰ শিক্ষা গ্ৰহণ কৰিছিল। তেওঁ দুখন চুটি ছবিও নিৰ্মাণ কৰিছে। কিন্তু জোয়া আখতাৰৰ চেটত উপস্থিত হোৱাৰ লগে লগে সুহানাই নিজকে নাৰ্ভাছ অনুভৱ কৰিছিল৷
শেহতীয়াকৈ মুম্বাইৰ এক অনুষ্ঠানত অতিথি হিচাপে আমন্ত্ৰণ জনোৱা হৈছিল সুহানাক। তাত তেওঁ ক’লে শ্বুটিঙৰ প্ৰথম দিনটোৰ অভিজ্ঞতা।
শ্বাহৰুখৰ কন্যাৰ ভাষাত, "প্ৰথম দিনটোত ইমানবোৰ তাৰকা, ইমানবোৰ ক্ৰু, মই সকলোৰে মাজত হেৰাই যোৱা যেন অনুভৱ কৰিছো। প্ৰথম দিনাই চেট, লাইট, কেমেৰা, সাজ-পোছাক, অভিনয়ক লৈ বৰ নাৰ্ভাছ হৈ পৰিছিলো। তাৰোপৰি দায়িত্ববোধ এটাও ক’ৰবাত কাম কৰি আছিল। সকলোৱে হাত মিলাই জোয়াৰ চিন্তাধাৰা কাৰ্যকৰী কৰিছে। কিন্তু চেটত থকা সকলোৱেই পৰিয়ালৰ দৰে আছিল। ফলত কামটো সহজ হৈ পৰে।’’
সুহানাই সমালোচনাৰ প্ৰতি কোনো গুৰুত্ব নিদিয়ে। মাক আৰু পিতৃয়েই তেওঁৰ জীৱনৰ প্ৰেৰণা আৰু চালিকা শক্তি বুলিও তেওঁ কয়। ‘দ্য আৰ্চিজ’ ছবিখন মুক্তি পোৱাৰ পিছতে সুহানাই ডাঙৰ পৰ্দাত অভিষেক ঘটোৱাৰ বাবে প্ৰস্তুতি আৰম্ভ কৰিব।
Continue Reading
