ডিজিটেল ডেস্কঃ অনলাইন বেটিং এপ ‘মহাদেৱ গেমিং-বেটিং এপ’ গোচৰত পোহৰলৈ আহিছে বলীউডৰ বহু পৰিচিত তাৰকাৰ নাম। এতিয়ালৈকে এই গোচৰত ৰণবীৰ কাপুৰক জেৰা কৰা হৈছে। এতিয়া ইয়াত হুমা কুৰেশী, কপিল শৰ্মা আৰু হিনা খানৰ নামো দেখা গৈছে। মহাদেৱ বেটিং এপ গোচৰৰ এই তিনিগৰাকী চেলিব্ৰিটিকো জেৰা কৰিব বলবৎকাৰী সঞ্চালকালয়ে।
ইডিয়ে কেতিয়া এই কাম কৰিব সেই সন্দৰ্ভত এতিয়াও কোনো আপডেট হোৱা নাই। বৰ্তমান এই গোচৰত নাম সাঙুৰ খাইছে শ্ৰদ্ধা কাপুৰৰ। ইডিয়ে বহু বিখ্যাত তাৰকালৈ চমন প্ৰেৰণ কৰি সোধা-পোছাৰ বাবে ফোন কৰিছে, ইয়াৰে এগৰাকী অভিনেত্ৰী শ্ৰদ্ধা কাপুৰ। এই গোচৰত অভিনেত্ৰীগৰাকীক চমন কৰা হৈছে। কোৱা হৈছে যে আজি তাই ইডি অফিচলৈ যাব পাৰিব। ইডিয়ে তেওঁক ৬ অক্টোবৰত সোধা-পোছা কৰিবৰ বাবে মাতিছে।
অভিনেত্ৰীগৰাকীক আজি অৰ্থাৎ ৬ অক্টোবৰত ৰায়পুৰৰ ইডি কাৰ্যালয়ত জেৰাৰ বাবে মাতি অনা হৈছে। একে সময়তে কপিল শৰ্মাকে ধৰি আন তাৰকাক বিভিন্ন তাৰিখত ইডি কাৰ্যালয়লৈ জেৰাৰ বাবে মাতি অনা হৈছে।
মহাদেৱ এপ কেলেংকাৰীত কিয় আবদ্ধ বলীউড?
তথ্য অনুসৰি মহাদেৱ গেমিং এপ হৈছে এনে এক প্লেটফৰ্ম য’ত অবৈধ বাজি সংঘটিত হয়। এই ধন সৰবৰাহৰ গোচৰত তাৰকাসকল আবদ্ধ হৈ পৰিছে কাৰণ এই এপটোৰ প্ৰচাৰ কৰি ইয়াৰ পৰা বিপুল ধন উপাৰ্জন কৰা বুলি কোৱা হৈছে। এই গোচৰত কপিল শৰ্মা, হুমা কুৰেশী, হিনা খান, ৰণবীৰ কাপুৰ আৰু শ্ৰদ্ধা কাপুৰক জেৰা কৰা হ’ব।
কেৱল এয়াই নহয়, কোৱা হৈছে যে এই এপৰ মালিকৰ বিয়াত অংশগ্ৰহণ কৰা তাৰকাসকলকো জেৰাৰ বাবে মাতি অনা হ’ব, য’ত আছে টাইগাৰ শ্ৰফ, ছানি লিয়ন, নেহা কক্কৰ, আতিফ আছলাম, ৰাহত ফাতেহ আলী খান, আলী আছগাৰ, বিশাল দাদলানী , ভাৰতী সিং, ভাগ্যশ্ৰী, কৃতি খাৰবান্দা, নুছৰত ভৰুচা আদি তাৰকা।
Continue Reading
