ডিজিটেল ডেস্কঃ শনিবাৰে মণিপুৰৰ বিজেপিৰ ৰাজ্যিক সভাপতি অধিকাৰীমায়ম শৰ্দা দেৱীয়ে ৰাজ্যখন ভ্ৰমণৰ বাবে কংগ্ৰেছ নেতা ৰাহুল গান্ধীক প্ৰশংসা কৰে। বিজেপিৰ ৰাজ্যিক সভাপতিয়ে মুখ্যমন্ত্ৰী এন বীৰেণ সিঙৰ চৰকাৰৰ প্ৰতি জনসাধাৰণৰ পূৰ্ণ বিশ্বাস আছে আৰু অতি সোনকালে পৰিস্থিতি উন্নত হ’ব বুলিও তেওঁ মন্তব্য কৰে।
আনহাতে, শাৰদা দেৱীয়ে কয় যে বৰ্তমানৰ পৰিস্থিতি পূৰ্বৰ চৰকাৰৰ কাৰ্যকলাপৰ ফল। লগতে মণিপুৰৰ সাম্প্ৰতিক পৰিস্থিতিৰ ৰাজনীতিকৰণ নকৰিবলৈও পৰামৰ্শ আগবঢ়ায়।
শাৰদা দেৱীয়ে কয়, "মণিপুৰৰ এই পৰিস্থিতিত কংগ্ৰেছ দলৰ নেতা ৰাহুল গান্ধীয়ে ৰাজ্য ভ্ৰমণ কৰিছে, যিটো সঠিক, মই তেওঁক শলাগ লৈছো।"
তেওঁ লগতে কয় যে পৰিস্থিতি সমাধান আৰু শান্তি ঘূৰাই অনাৰ ওপৰত গুৰুত্ব দিয়া উচিত। বিষয়টোক লৈ ৰাজনীতি কৰা উচিত নহয়।
বৃহস্পতিবাৰে মণিপুৰ ভ্ৰমণ কৰি কংগ্ৰেছ নেতা ৰাহুল গান্ধীয়ে টুইটাৰযোগে কয় যে, ‘মই মণিপুৰৰ সকলো ভাই-ভনীৰ কথা শুনিবলৈ আহিছো। সকলো সম্প্ৰদায়ৰ লোকে অতি আদৰণীয় আৰু মৰমিয়াল। চৰকাৰে মোক বাধা দিয়াটো অতি দুৰ্ভাগ্যজনক। মণিপুৰক নিৰাময়ৰ প্ৰয়োজন। শান্তি আমাৰ একমাত্ৰ অগ্ৰাধিকাৰ হ’ব লাগে।’’
Continue Reading
