ৰাহুল গান্ধী পাকৈত দবা খেলুৱৈ! কংগ্ৰেছৰ দাবীৰ পিছতে বিশ্বশ্ৰেষ্ঠ দবাৰু কাস্পাৰোভৰ প্ৰতিক্ৰিয়া 'প্ৰথমে ৰায়বৰেলীত জিকি লওক, তাৰ পিছত...'

কিংবদন্তী দবা খেলুৱৈজনে তেওঁৰ একাধিক এক্স হেণ্ডেলত একেটা মন্তব্যই কৰিছে । কাস্পাৰোভে ৰাহুলক উদ্দেশ্যি  কৈছে " শীৰ্ষস্থানত থাকিবলৈ প্ৰত্যাহ্বান জনোৱাৰ আগতে প্ৰথমে ৰায়বৰেলীত জিকিব লাগিব।’’ কিন্তু তেওঁৰ মন্তব্যক লৈ বিতৰ্ক আৰম্ভ হোৱাৰ লগে লগে কাস্পাৰোভে পুনৰ মুখ খুলিছে। তেওঁ লিখিছিল যে তেওঁ আশা কৰিছে যে এই 'সৰু কৌতুক'টোৰ বাবে যাতে  কোনো ভুল বুজাবুজি নহয়। অৱশ্যে, কিংবদন্তী দবা খেলুৱৈগৰাকীয়ে  একে সময়তে 'শ্লেষ' কৰিবলৈ পাহৰা নাই। তেওঁ লিখিছে, এজন ৰাজনীতিকে তেওঁৰ প্ৰিয় খেলকলৈ ধেমালি কৰাটো সহ্য কৰিব পৰা কথা নহয়।কিন্তু কাস্পাৰোভৰ ইমান খং কিয় উঠিল? খবৰ অনুসৰি কংগ্ৰেছে শেহতীয়াকৈ এক্স হেণ্ডেলত এটা ভিডিঅ' শ্বেয়াৰ কৰিছিল। ভিডিঅ'টোত, ৰাহুলক তেওঁৰ ম'বাইলত দবা খেলি থকা দেখা গৈছে। এজন ব্যৱহাৰকাৰীয়ে মন্তব্য কৰিছে, "কাস্পাৰোভ আৰু বিশ্বনাথন আনন্দে সোনকালে অৱসৰ লৈছে আৰু সেয়ে তেওঁলোকে আমাৰ সময়ৰ সৰ্বশ্ৰেষ্ঠ দবা চেম্পিয়নৰ মুখামুখি হ’বলগীয়া  হোৱা নাই বুলি ভাবি ভাল লাগিছে।"  এই মন্তব্য পঢ়াৰ পিছতে কাস্পাৰোভৰ খং উঠিছিল।

অৱশ্যে, কাস্পাৰোভ ৰাহুলৰ প্ৰিয় দবা খেলুৱৈ। তেওঁ তেওঁক তেওঁৰ "প্ৰিয় দবা খেলুৱৈ" বুলি আগতেও কৈছিল। কাস্পাৰোভে তেওঁৰ প্ৰতিদ্বন্দীৰ ওপৰত যিধৰণে হেঁচা প্ৰয়োগ কৰে সেয়া অতি কাৰ্যকৰী বুলি ৰাহুলে বিশ্বাস কৰে। । কিন্তু এইবাৰ ৰায়বৰেলীৰ পৰা মনোনয়ন দাখিল কৰা কংগ্ৰেছ নেতাজনে সেই 'প্ৰিয় দবা খেলুৱৈ'গৰাকীৰেই  শ্লেষৰ সন্মুখীন হ'ব লগা হ’ল।।