ডিজিটেল ডেস্কঃ আই পি এলৰ পৰা অৱসৰ ল’ব নেকি ধোনীয়ে? এতিয়া বহুতৰে মনত এনে প্ৰশ্নৰ উদয় হৈছে৷ অৱশ্যে ধোনীয়ে এই বিষয়ত নিজে এতিয়ালৈকে একো কোৱা নাই।বহুতে ধাৰণা কৰিছে যে এইবাৰ আই পি এলত মহেন্দ্ৰ সিং ধোনীক শেষবাৰৰ বাবে দেখা যাব।ধনীয়ে একো নক’লেও ৰোহিত শৰ্মাই ধোনীয়ে ইমান সোনকালে আই পি এলক বিদায় জনোৱাটো নিবিচাৰে। মুম্বাই ইণ্ডিয়ানছৰ অধিনায়ক জনৰ মতে ধোনীয়ে অতি কমেও কেইবছৰমান আই পি এলত খেলিব লাগে।
আই পি এলৰ প্ৰথম দিনাই ধোনীৰ দলে গুজৰাট টাইটানছৰ মুখামুখি হ'ব। মুম্বাইৰ প্ৰথমখন খেল ২ এপ্ৰিলত হ'ব বিৰাট কোহলীৰ আৰচিবিৰ বিৰুদ্ধে। ৰোহিত শৰ্মাই কয় "যোৱা ২-৩ বছৰ ধৰি মই শুনি আহিছো যে এয়া ধোনীৰ অন্তিম ছিজন। মই ভাবো তেওঁ আৰু কেইটামান ছিজন খেলিবলৈ উপযুক্ত হৈয়েই আছে। " ধোনীয়েও বহুবাৰ আইপিএলৰ পৰা অৱসৰকলৈ প্ৰশ্নৰ সন্মুখীন হ'ব লগা হৈছে। ? যোৱাবাৰো তেওঁক সোধা হৈছিল যে সেয়া তেওঁৰ অন্তিম ছিজন নেকি৷
অৱশ্যে যোৱাবাৰ ধোনীয়ে কৈছিল "একেবাৰে নহয়" । তাৰ পাছতো ভাৰতৰ প্ৰাক্তন অধিনায়কজনৰ বিষয়ে জল্পনা-কল্পনা বন্ধ হোৱা নাই। ধোনী এতিয়াও চেন্নাই দলৰ এটা অপৰিহাৰ্য অংশ হৈয়েই আছে। তেওঁ চাৰিবাৰ আই পি এল জিকিছে। ধোনীক ক্ৰিকেট অনুৰাগীসকলে উইকেটকিপাৰ বা বেটছমেনৰ ভূমিকাত সদায় চাবলৈ বিচাৰি আহিছে। দুয়োটা ক্ষেত্ৰতে তেওঁৰ সামৰ্থ্যৰ বিষয়ে কোনো সন্দেহ নাই। অৱশ্যে, এইবাৰ তেওঁক আই পি এলত সম্পূৰ্ণ বেলেগ ভূমিকাত দেখা যাব পাৰে। ধোনীক চেন্নাইৰ চেপক ষ্টেডিয়ামত অনুশীলনত মাজে মাজে বলিং কৰাও দেখা গৈছে।
Continue Reading
