ডিজিটেল ডেস্কঃ অভিজ্ঞ ভাৰতীয় অপেনাৰ শিখৰ ধাৱানে এইচআইভি পৰীক্ষা কৰোৱাৰ বিষয়ে তেওঁৰ এক অভিজ্ঞতাৰ কথা প্ৰকাশ কৰিছে। ভাৰতীয় খেলুৱৈগৰাকীয়ে তেওঁৰ শৰীৰত টাটু আঁকিবলৈ ভালপায়৷ শেহতীয়াকৈ তেওঁ শৈশৱৰ এটা কাহিনী প্ৰকাশ কৰিছে৷ তেওঁ এবাৰ টাটু কৰিছিল৷ এই কথা মাক- দেউতাকে জানিব পাৰি খঙতে তেওঁক মাৰপিট কৰিছিল।
শিখৰে ধাৱানে কয় "যেতিয়া মোৰ বয়স ১৪-১৫ বছৰ আছিল, মই মানালীলৈ গৈছিলো আৰু মোৰ পৰিয়ালৰ সদস্যসকলক অৱগত নকৰাকৈ মোৰ পিঠিত এটা টাটু কৰাইছিলো। মই ইয়াক কিছু দিনৰ বাবে লুকুৱাব লগা হৈছিল, প্ৰায় ৩-৪ মাহ পিছত যেতিয়া মোৰ দেউতাই জানিব পাৰিছিল মই টাটু কৰিছো, তেতিয়া তেওঁ মোক প্ৰহাৰ কৰিছিল। টাটুটো কৰাৰ পিছত মই অলপ ভয় খাইছিলো ৷ কাৰণ টাটু কৰোতে বেজী ব্যৱহাৰ কৰা হয়৷ বেজীটো পৰিশোধিত আছিল নে নাই সেই বিষয়ে মই অৱগত নাছিলো৷ গতিকে ভয়তে মই গৈ এইচ.আই.ভি. পৰীক্ষা কৰিছিলো আৰু মোৰ পৰীক্ষাৰ ফলাফল নিগেটিভ আহিছিল৷ "
উল্লেখ্য এই ছিজনত পঞ্জাৱ কিংছৰ নেতৃত্ব দিবলগীয়া শিখৰ ধাৱানে চাৰি মাহৰ পিছত তেওঁৰ প্ৰত্যাৱৰ্তন কৰিবলৈ সাজু হৈছে৷ বাওঁহতীয়া অপেনাৰ জনে ২০২২ চনৰ নৱেম্বৰত নিউজিলেণ্ডৰ বিৰুদ্ধে তেওঁৰ অন্তিমখন মেচ খেলিছিল।
১ এপ্ৰিলত কলকাতা নাইট ৰাইডাৰ্ছৰ বিৰুদ্ধে তেওঁ প্ৰথমখন খেল খেলিব। ইণ্ডিয়ান প্ৰিমিয়াৰ লীগৰ ষোড়শ সংস্কৰণ ৩১ মাৰ্চৰ পৰা আৰম্ভ হ'ব।
Continue Reading
