ডিজিটেল ডেস্কঃ তেওঁ শেষবাৰৰ বাবে মাৰ্চ মাহত টেষ্ট খেলিছিল। আই পি এলত তেওঁৰ আঘাতৰ বাবে বিশ্বকাপ অনিশ্চিত হৈ পৰিছে। তথাপি হঠাৎ বিশ্বৰ এক নম্বৰ টেষ্ট বেটছমেন হৈ পৰিল উইলিয়ামছন। জো ৰুট আঁতৰিছে সেই স্থানৰ পৰা। ৰুট পাঁচ নম্বৰলৈ নামি আহিল। বলাৰ আৰু অল ৰাউণ্ডাৰৰ তালিকাত শীৰ্ষত আছে দুগৰাকী ভাৰতীয়।
ইয়াৰ লগে লগে উইলিয়ামছন ছবাৰ বিশ্বৰ এক নম্বৰ টেষ্ট বেটছমেন হিচাপে পৰিগণিত হৈছে। প্ৰথমবাৰৰ বাবে ২০১৫ চনৰ নৱেম্বৰ মাহত হৈছিল। শেষবাৰৰ বাবে ২০২১ চনৰ আগষ্ট মাহত। উইলিয়ামছনৰ পইণ্ট হৈছে ৮৮৩। স্টিভ স্মিথ এটা পইণ্ট পিছ পৰি আছে। তৃতীয় স্থানত আছে মাৰ্নাছ লাবুশ্বাগনে (৮৭৩)। ট্ৰেভিছ হেডে (৮৭২) চাৰি আৰু জো ৰুটে (৮৬৬) পাঁচ নম্বৰত আছে।
শীৰ্ষ দহৰ ভিতৰত একমাত্ৰ ভাৰতীয় ক্ৰিকেটাৰ ঋষভ পন্ত। তেওঁ ১০ নম্বৰত আছে আৰু যোৱা ডিচেম্বৰৰ পৰা কোনো টেষ্ট মেচ খেলা নাই। বিৰাট কোহলী আৰু ৰোহিত শৰ্মা ক্ৰমে ১২ আৰু ১৪ নম্বৰত আছে।
বলাৰ শাখাত ৮৬০ পইণ্টেৰে এক নম্বৰ স্থানত আছে ৰবিচন্দ্ৰন অশ্বিন। শীৰ্ষ দহৰ ভিতৰত থকা আন দুজন বলাৰ হৈছে যশপ্ৰীত বুমৰাহ আৰু ৰবীন্দ্ৰ জাডেজা। বুমৰাহেও বহু দিন টেষ্টত আঘাতৰ বাবে কোনো ক্ৰিকেট মেচ খেলা নাছিল।
অলৰাউণ্ডাৰৰ তালিকাৰ ভিতৰত জাডেজা এক নম্বৰত আছে। দুই নম্বৰ স্থানত আছে ৰবিচন্দ্ৰন অশ্বিন। অল ৰাউণ্ডাৰৰ শীৰ্ষ ১০ গৰাকীৰ তালিকাত তেওঁলোকৰ বাদে আন কোনো ভাৰতীয় নাই।
Continue Reading
