ডিজিটেল ডেস্কঃ আইনী জটিলতাত পৰিছে 'জলি এল এল বি ৩'। অক্ষয় কুমাৰ অভিনীত ছবিৰ বিৰুদ্ধে ন্যায় ব্যৱস্থাক বিকৃত কৰাৰ অভিযোগ উঠিছে। আজমেৰৰ জিলা উকীল সন্থাৰ সভাপতি চন্দ্ৰভানে ছবিখনৰ পৰিচালক, প্ৰযোজক আৰু অভিনেতাৰ বিৰুদ্ধে এজাহাৰ দাখিল কৰে। লগতে ছবিখনৰ শ্বুটিং আপাততঃ স্থগিত ৰখাৰ বাবেও অনুৰোধ জনায়।
তেওঁৰ অনুমান যে পূৰ্বৰ দুখন ছবিত ভাৰতীয় ন্যায়পালিকাক যিদৰে টাৰ্গেট কৰা হৈছে, তৃতীয়খন ছবিও বেলেগ নহ’ব। তেওঁ ভাবে যে ছবিখনত উকীল বা ন্যায়াধীশক যিদৰে দেখুওৱা হৈছে, তাৰ বাস্তৱৰ লগত কোনো সাদৃশ্য নাই। তেওঁৰ মতে, এনে ছবিয়ে ভাৰতীয় আইন বা ন্যায়িক ব্যৱস্থাক লৈ প্ৰশ্ন উত্থাপন কৰিব পাৰে। গতিকে এই অভিযোগৰ খবৰ পোৱা গৈছে।
উকীলক লাথি মাৰি, লাঠিৰে খেদি খেদি বা বিচাৰকৰ গুটকা খোৱাৰ দৰে দৃশ্যৰে আদালতৰ মৰ্যাদা ক্ষুণ্ণ হৈ পৰিছে। আদালতলৈ জাননী প্ৰেৰণৰ বাবে অনুৰোধ জনাইছে আজমেৰ জিলা উকীল সন্থাই। সূত্ৰ অনুসৰি এই গোচৰটো মঙলবাৰে আদালতত উত্থাপন কৰা হ’ব।
ইফালে আজমেৰত অক্ষয় কুমাৰ আৰু আৰ্শ্বদ ৱাৰ্ছীয়ে শ্বুটিং অব্যাহত ৰাখিছে।
Continue Reading
