ডিজিটেল ডেস্কঃ আই পি এলৰ ছানৰাইজাৰ্ছ হায়দৰাবাদ-গুজৰাট টাইটানছৰ খেলখন বৃহস্পতিবাৰে বৰষুণৰ বাবে পৰিত্যক্ত হৈ পৰে। শুকুৰবাৰে হায়দৰাবাদৰ অধিনায়ক পেট কামিন্সে হায়দৰাবাদৰ স্কুলীয়া ছাত্ৰ-ছাত্ৰীৰ সৈতে ‘গলী ক্ৰিকেট’ খেলে।
শুবমান গিলৰ দলৰ বিৰুদ্ধে খেলখন পৰাস্ত হ’লেও হায়দৰাবাদ আই পি এল প্লে অফৰ তৃতীয় দল হিচাপে পৰিগণিত হয়। স্বাভাৱিকতে হায়দৰাবাদ শিবিৰৰ আমেজ উত্তাল। কেপ্তেইন কামিন্সৰ মেজাজো লঘু।
শুকুৰবাৰে হায়দৰাবাদৰ এখন সাধাৰণ খেলপথাৰত স্কুলীয়া ছাত্ৰ-ছাত্ৰীৰ দল এটাৰ সৈতে টেনিছ বলত ক্ৰিকেট খেলি থকা দেখা গৈছিল। অষ্ট্ৰেলিয়াৰ অল ৰাউণ্ডাৰগৰাকীয়ে বেটিং কৰা দেখা গৈছিল। ক্ৰিকেট প্ৰেমীৰ মাজত ভাইৰেল হৈ পৰিছে কামিন্সৰ খেলৰ ভিডিঅ’। হায়দৰাবাদৰ অধিনায়কগৰাকীৰ বাবেও নিৰাপত্তাৰ ব্যৱস্থা কৰা হৈছিল।
আই পি এলত এতিয়ালৈকে খেলা ১৩খন মেচত ১৫ পইণ্ট সংগ্ৰহ কৰিছে হায়দৰাবাদে। লীগত তেওঁলোকৰ অন্তিমখন খেল দেওবাৰে পঞ্জাব কিংছৰ বিৰুদ্ধে। সেই মেচখনত জয়ী হ’লে কামিন্সৰ দলটোৱে ১৭ পইণ্ট লাভ কৰিব। আনহাতে, লীগৰ অন্তিমখন খেলত ৰাজস্থান ৰয়েলছ কলকাতা নাইট ৰাইডাৰ্ছৰ হাতত পৰাস্ত হ’লে ১৬ পইণ্টত আবদ্ধ হৈ থাকিব সঞ্জু চেমছন। তেনে ক্ষেত্ৰত হায়দৰাবাদে লীগৰ দ্বিতীয় স্থান লাভ কৰিব। ২১ মে’ত প্ৰথমখন কোৱালিফায়াৰত কেকেআৰৰ বিৰুদ্ধে খেলিব।
Continue Reading
