ডিজিটেল ডেস্কঃ আই পি এলৰ পিছত জিৰণি লোৱাৰ বিশেষ সুযোগ নাই ৰোহিত শৰ্মাৰ। ২ জুনৰ পৰা আৰম্ভ হ’ব টি-২০ বিশ্বকাপ। ২৬ মে’ত আই পি এলৰ ফাইনেলৰ পাছত ভাৰতীয় দলৰ সকলো ক্ৰিকেটাৰে আমেৰিকালৈ গৈ বিশ্বকাপ খেলিব পাৰিব। ইয়াৰ পূৰ্বে অধিনায়ক ৰোহিত শৰ্মাই ২৫ মে’ত কেইজনমান সতীৰ্থৰ সৈতে বিশ্বকাপ খেলিবলৈ যাব।
টি-২০ বিশ্বকাপ দলৰ ক্ৰিকেটাৰ দুবাৰকৈ আমেৰিকালৈ যাব। ইতিমধ্যে আই পি এলৰ বাবে ভাৰতীয় ক্ৰিকেট ব’ৰ্ডে এই সিদ্ধান্ত গ্ৰহণ কৰিছিল। একেদৰে ২৫ মে’ত দেশ এৰি যাব ৰোহিতে। তেওঁৰ সৈতে আন দুই এজন ক্ৰিকেটাৰে আমেৰিকালৈ যোৱা বিমানত উঠিব। বিচিচিআইৰ এজন বিষয়াই কয় যে, "ৰোহিতৰ উপৰিও হাৰ্দিক পাণ্ডিয়া, সূৰ্য্যকুমাৰ যাদৱ, যশপ্ৰীত বুমৰাহ, ঋষভ পন্ত, আৰাশদীপ সিং, অক্ষৰ পেটেল ২৫ মে'ত আমেৰিকালৈ যাব। সেইদিনা প্ৰশিক্ষক ৰাহুল দ্ৰাবিড় আৰু বাকী সহযোগী কৰ্মচাৰীসকলো যাব।’’ বিচিচিআইৰ সূত্ৰ অনুসৰি বিশ্বকাপ দলৰ বাকী ক্ৰিকেটাৰসকল অহা ২৭ মে’ত আমেৰিকালৈ যাব।
প্ৰথমতে ঠিকেই আছিল, আই পি এলৰ লীগ পৰ্যায় শেষ হোৱাৰ দুদিন পিছত ২১ মে’ত ৰোহিতক আমেৰিকালৈ প্ৰেৰণ কৰা হ’ব। টি-২০ বিশ্বকাপ দলত আই পি এল প্লে অফত খেলিব নোৱাৰা ক্ৰিকেটাৰসকল আউট হ’ব। সেই পৰিকল্পনা পিছলৈ সলনি কৰা হ’ল। টি-২০ বিশ্বকাপৰ পূর্বে ভাৰতৰ ৱাৰ্ম আপ মেচ৷ ১ জুনত বাংলাদেশৰ বিৰুদ্ধে খেলিব ৰোহিতে। গতিকে ব’ৰ্ডৰ নেতাসকলে ৰোহিতক পৰিয়ালৰ সৈতে কিছুদিন কটাবলৈ সুযোগ দিব বিচাৰিছিল।
Continue Reading
