ডিজিটেল ডেস্কঃ আইপিএলৰ ফাইনেলত চেন্নাই চুপাৰ কিংছৰ সন্মুখত ২১৫ ৰাণৰ লক্ষ্য স্থিৰ কৰি দিলে গুজৰাট টাইটানছে। দলটোৰ এই সবল স্থিতিৰ মূলতে হ’ল নবীন তাৰকা চাই সুদৰ্শন আৰু প্ৰবীণ উইকেটকীপাৰ ঋদ্ধিমান সাহাৰ দূৰ্দান্ত বেটিং। সাই সুদৰ্শনে মাত্ৰ ৪৭ বলত ৯৬ ৰাণ সংগ্ৰহ কৰাৰ বিপৰীতে সাহাই কৰে ৩৯ টা বলত ৫৪ ৰাণ।
আহমেদাবাদৰ নৰেন্দ্ৰ মোদী ষ্টেডিয়ামত বৰষুণৰ বাবে নিৰ্ধাৰিত তাৰিখৰ এদিন পাছত অনুষ্ঠিত হোৱা ফাইনেলখনত টছত জয়ী হৈ বলিং কৰাৰ সিদ্ধান্ত লয় চেন্নাই ছুপাৰ কিংছে। গুজৰাটৰ হৈ শুভমান গীল আৰু ঋদ্ধিমান সাহাই সুন্দৰ আৰম্ভণি কৰে। গীলে ২০ টা বলত ৩৯ ৰাণ কৰি থকা অৱস্থাতে মহেন্দ্ৰ সিং ধোনীয়ে ক্ষীপ্ৰ গতিৰে তেওঁক স্টাম্পিং কৰে। গীলৰ বহুমূলীয়া উইকেটটো লাভ কৰে ৰবীন্দ্ৰ জাডেজাই।
প্ৰথম ইনিংছত চেন্নাই ছুপাৰ কিংছৰ বলিং আক্ৰমণে বিশেষ চমক সৃষ্টি কৰিব নোৱাৰিলে। আটাইকেওজন বলাৰেই খৰচী হিচাপে পৰিগণিত হয়। কেৱল মথীষা পথিৰানাই সংগ্ৰহ কৰে দুটা উইকেট। ফলস্বৰূতে ৪ টা উইকেট হেৰুৱাই নিৰ্ধাৰিত অভাৰত ২১৪ ৰাণ সংগ্ৰহ কৰিবলৈ সক্ষম হয় গুজৰাট।
Continue Reading
