ডিজিটেল ডেস্কঃ ঘৰুৱা খেলপথাৰত পুনৰ পৰাস্ত হ’ল কলকাতা নাইট ৰাইডাৰ্ছ। জয়ী হ’ল গুজৰাট টাইটানছ। ৭ উইকেটত পৰাস্ত হয় কলকাতা। ডাৱৰীয়া বতৰৰ বাবে গুজৰাট টাইটানছৰ অধিনায়ক হাৰ্দিকে প্ৰথমে বলিং কৰাৰ সিদ্ধান্ত লয়। ইডেন গাৰ্ডেনৰ ২২ গজত মহম্মদ ছামীয়ে দূৰ্দান্ত বলিং কৰে। লাভ কৰে তিনিটাকৈ উইকেট। তেওঁৰ উপৰিও যশোৱা লিটল আরু নুৰহ আহমদে লাভ কৰে দুটাকৈ উইকেট।
কলকাতাৰ হৈ সৰ্বাধিক ৰাণ সংগ্ৰহ কৰে আফগান তাৰকা ৰহমানুল্লাহ গুৰবাজে। ৩৯ টা বলত তেওঁ সংগ্ৰহ কৰে ৮১ ৰাণ। তেওঁৰ বাদে কোনো বেটাৰে দীঘলিয়া ইনিংছ খেলিবলৈ সক্ষম নহ’ল। শেষৰফালে আন্দ্ৰে ৰাছেলে ১৯টা বলত ৩৪ ৰাণ কৰে। ব্যৰ্থ হয় ৰিংকু সিং (১৯)। নিৰ্ধাৰিত অভাৰত কলকাতাই সংগ্ৰহ কৰে ১৭৯ ৰাণ।
প্ৰত্যুত্তৰত গুজৰাটে বেটিং কৰিবলৈ আহি সুন্দৰভাৱে ইনিংছ আগুৱাই নিয়ে। সৰ্বাধিক ৰাণ সংগ্ৰহ কৰে বিজয় শংকৰ (৫১), শুভমন গীল (৪৯) আৰু ডেভিড মিলাৰে (৩২)। ফলস্বৰূপে তিনিটা উইকেট হেৰুৱাই এটা বল বাকী থকা অৱস্থাতে বিজয় লক্ষ্যত উপনীত হয় হাৰ্দিক পাণ্ডিয়াৰ দল।
এই বিজয়ৰ দ্বাৰা আইপিএলৰ পইণ্টছৰ ক্ৰম তালিকাৰ শীৰ্ষত উপনিত হৈছে গুজৰাট টাইটানছ।
Continue Reading
