ডিজিটেল ডেস্কঃ বৰ্তমানৰ আই পি এলত চকু কপালত তুলিছে অভিষেক শৰ্মাই। তেওঁ ৰেকৰ্ডো কৰিছে। ছানৰাইজাৰ্ছ হায়দৰাবাদৰ এই বাওঁহাতৰ অ’পেনাৰে বিৰাট কোহলীৰ ৮ বছৰীয়া নজিৰ ভংগ কৰিলে।
তেওঁ পঞ্জাব কিংছৰ বিৰুদ্ধে ২৮ বলত ৬৬ ৰানৰ ইনিংছ খেলিছিল। তেওঁ মাত্ৰ ২১টা বলত অৰ্ধশতক অৰ্জন কৰে। এই বাওঁহাতৰ বেটছমেনে ইনিংছত ৫টা ছয় কৰে। অভিষেকে এই ছিজনত মুঠ ৪১টা ছয় কৰে। আই পি এলৰ ইতিহাসত এটা ছিজনত সৰ্বাধিক ছয় সংগ্ৰহ কৰা ভাৰতীয় বেটছমেন হিচাপে পৰিগণিত হয়।
ইয়াৰ পূৰ্বে এই অভিলেখ কোহলীৰ হাতত আছিল। ২০১৬ চনত তেওঁ ৩৮টা ছয় কৰিছিল। অৱশ্যে এই ছিজনত কোহলীয়ে নিজৰ অভিলেখ ভংগ কৰিব পাৰে। এই ছিজনত এতিয়ালৈকে কোহলীয়ে ৩৭টা ছয় কৰিছে। অৰ্থাৎ প্লে অফত এলিমিনেটৰত ২টা ছয় কৰিলে বিৰাটে নিজৰ অভিলেখ ভংগ কৰিব।
অভিষেকে এই ছিজনত ১৩খন মেচত ৪৬৭ ৰান সংগ্ৰহ কৰে। তেওঁ গড়ে ৩৮.৯২ ৰান আৰু ষ্ট্ৰাইক ৰেট ২০৯.৪১ ৰান সংগ্ৰহ কৰে। অভিষেকে তিনিটা পঞ্চাশ অৰ্জন কৰে। হায়দৰাবাদৰ প্লে অফ দৌৰৰ আঁৰত তেওঁ মুখ্য ভূমিকা পালন কৰিছিল।
Continue Reading
