ডিজিটেল ডেস্কঃ বিৰাট কোহলীয়ে আই পি এলৰ লীগ পৰ্যায়ৰ অন্তিমখন মেচ খেলি আন এক নজিৰ গঢ়ি তুলিছিল। চেন্নাই ছুপাৰ কিংছৰ বিৰুদ্ধে কোহলীয়ে ২৯টা বলত ৪৭ ৰানৰ ইনিংছ খেলিছিল। তেওঁ আই পি এলৰ আন এক মাইলৰ খুঁটি স্পৰ্শ কৰা প্ৰথমজন ক্ৰিকেটাৰ হিচাপে পৰিগণিত হয়।
কোহলীয়ে আই পি এলত এখন খেলপথাৰত ৩০০০ ৰান সম্পূৰ্ণ কৰা প্ৰথমজন ক্ৰিকেটাৰ হিচাপে পৰিগণিত হয়। এই মাইলৰ খুঁটিত উপনীত হ’বলৈ কোহলীয়ে ৮৯খন খেলৰ প্ৰয়োজন হৈছিল। শনিবাৰলৈকে বেংগালুৰুত তেওঁৰ ৰান ৩০০৫। এই তালিকাত দ্বিতীয় স্থানত আছে ৰোহিত শৰ্মা। মুম্বাইত ৮০খন খেলত ২২৯৫ ৰান সংগ্ৰহ কৰে। এই তালিকাত তৃতীয় স্থানত আছে এ বি ডি ভিলিয়াৰ্ছ। বাংগালুৰুত ৬১খন মেচ খেলি ১৯৬০ ৰান সংগ্ৰহ কৰে। চতুৰ্থ স্থানত আছে ডেভিদ ৱাৰ্নাৰ। হায়দৰাবাদত ৩২খন মেচ খেলি ১৬২৩ ৰান সংগ্ৰহ কৰে।
নজিৰ গঢ়ি তোলাৰ উপৰিও বেংগালুৰুৰ ইনিংছৰ তৃতীয় অভাৰৰ প্ৰথমটো বলত চেন্নাইৰ তুষাৰ দেশপাণ্ডেৰ হাতত কোহলিৰ বিশাল ছয়টো শনিবাৰে চিন্নাস্বামী ষ্টেডিয়ামৰ ছাদত খুন্দা মাৰে। ৯৮ মিটাৰৰ এই ছয়টোৱে টি-২০ বিশ্বকাপৰ পূৰ্বে তেওঁৰ ফৰ্ম দেখুৱাইছে। এই ছয়জনৰ ভিডিঅ’ ভাইৰেল হৈ পৰিছে ছ’চিয়েল মিডিয়াত।
Continue Reading
