ডিজিটেল ডেস্কঃ বিৰাট কোহলীয়ে ৰাজস্থান ৰয়েলছৰ বিৰুদ্ধে ৭২টা বলত ১১৩ ৰানৰ ইনিংছ খেলিছিল। শনিবাৰে আই পি এলৰ খেলখনত ৰয়েল চেলেঞ্জাৰছ বেংগালুৰুৰ প্ৰাক্তন অধিনায়কগৰাকীয়ে দলটোক জয় কঢ়িয়াই আনিব নোৱাৰিলে। অৱশ্যে বেটখনৰ সৈতে তেওঁ কেইবাটাও নজিৰ গঢ়ি তুলিছে।
১) ৭৫০০ ৰানঃ শনিবাৰৰ ইনিংছত আই পি এলত ৭৫০০ ৰানৰ মাইলৰ খুঁটি স্পৰ্শ কৰিলে ভাৰতীয় দলৰ প্ৰাক্তন অধিনায়কগৰাকীয়ে। প্ৰথম বেটছমেন হিচাপে তেওঁ এই কৃতিত্ব অৰ্জন কৰিছিল। ৰাজস্থানৰ বিৰুদ্ধে ৩৪ ৰানেৰে এই মাইলৰ খুঁটিত উপনীত হ’ল কোহলীয়ে।
২) ৮০০০ ৰানঃ কোহলীয়ে ১১৩ ৰানৰ ইনিংছত আৰ চি বিৰ হৈ ৮০০০ ৰানৰ মাইলৰ খুঁটি স্পৰ্শ কৰে। বিশ্বৰ একমাত্ৰ ক্ৰিকেটাৰ হিচাপে তেওঁ টি-২০ ক্ৰিকেটত এটা নিৰ্দিষ্ট দলৰ হৈ ৮০০০ ৰান সংগ্ৰহ কৰিছিল। বেংগালুৰুৰ হৈ এই পৰ্যন্ত ২৫৭খন মেচত ৮০০৩ ৰান সংগ্ৰহ কৰিবলৈ সক্ষম হৈছে কোহলীয়ে। ইয়াৰে তেওঁ আই পি এলত ২৪২খন মেচত ৭৫৭৯ ৰান সংগ্ৰহ কৰে। সমাপ্ত চেম্পিয়নছ লীগ টি-২০ত ১৫খন মেচত তেওঁৰ ৪২৪ ৰান।
৩) ৰাজস্থানৰ বিৰুদ্ধে নজিৰ : ৰাজস্থান ৰয়েলছৰ বিৰুদ্ধে সৰ্বাধিক ৰানৰ অভিলেখ কোহলিৰ হাতত। তেওঁ ৰাজস্থানৰ বিৰুদ্ধে ৩০খন খেলত ৭৩১ ৰান সংগ্ৰহ কৰে। তেওঁ পাঞ্জাব কিংছৰ অধিনায়ক শিখৰ ধাৱনক এৰি থৈ যায়। ৰাজস্থানৰ বিৰুদ্ধে ধাৱানৰ ৰান ২৪খন খেলত ৬৭৯ ৰান।
৪) আই পি এলৰ শতক: শনিবাৰৰ শতকটো আই পি এলত কোহলীৰ অষ্টমটো। এই প্ৰতিযোগিতাত ইমান শ শ আন কোনো ক্ৰিকেটাৰৰ হাতত নাই। ইতিমধ্যে আই পি এলত শতাধিক খেলুৱৈৰ তালিকাত শীৰ্ষস্থান দখল কৰিছিল কোহলিয়ে। শনিবাৰে তেওঁ নিজৰ অভিলেখ আৰু অধিক উন্নত কৰে। তালিকাত দ্বিতীয় স্থানত আছে জোছ বাটলাৰ। শনিবাৰে তেওঁ আই পি এলৰ ষষ্ঠটো শতক অৰ্জন কৰে।
৫) ব্যক্তিগত সৰ্বোচ্চ ৰানঃ আই পি এলত কোহলীয়ে সৰ্বোচ্চ ইনিংছ খেলিছিল। তেওঁৰ ১১৩ ৰানৰ অপৰাজিত ইনিংছ তেওঁৰ সৰ্বোচ্চ ইনিংছ। ২০১৬ চনৰ আই পি এলত পঞ্জাব কিংছ (সেই সময়ত কিংছ একাদশ পঞ্জাব)ৰ বিৰুদ্ধেও কোহলীয়ে ১১৩ ৰান সংগ্ৰহ কৰিছিল। কিন্তু এইবাৰ অপৰাজিত হৈ থাকিব নোৱাৰিলে।
বেটৰ সৈতে পাঁচটা নজিৰৰ লগতে শনিবাৰে ফিল্ডাৰ হিচাপেও তেওঁ এক কৃতিত্ব অৰ্জন কৰে। সুৰেশ ৰাইনাক অতিক্ৰম কৰি এতিয়া আই পি এলত সৰ্বাধিক কেচৰ অভিলেখ গঢ়িবলৈ সক্ষম হৈছে কোহলীয়ে। ৰাজস্থানৰ বিৰুদ্ধে বেংগালুৰুৱে জয়ী হ’ব নোৱাৰিলেও কোহলীয়ে বেটেৰে ৫টা নজিৰ গঢ়ি তুলিছে।
Continue Reading
