ডিজিটেল ডেস্কঃ আই পি এল আৰম্ভ হ’বলৈ মাত্ৰ কেইদিনমান বাকী। প্ৰস্তুতি পূৰ্ণ গতিত চলি আছে। শনিবাৰে বিৰাট কোহলীয়ে ৰয়েল চেলেঞ্জাৰছ বাংগালুৰু শিবিৰত যোগদান কৰে।
আইপিএলৰ পূৰ্বে নতুন ৰূপত দেখা গ’ল তাৰকাগৰাকীক। বিৰাটৰ টাটুৰ প্ৰতি থকা প্ৰেম বহু পুৰণি। সেই প্ৰেমৰ পৰাই আই পি এলৰ ঠিক আগে আগে সোঁহাতত নতুন টাটু এটা কৰালে বিৰাটে। বাংগালুৰু বিমানবন্দৰত বিৰাটৰ নতুন টাটুটো দেখা পালে এজন অনুৰাগীয়ে। অনুৰাগীজনৰ ভিডিঅ’টো ছ’চিয়েল মিডিয়াত ভাইৰেল হৈ পৰে।
শনিবাৰে আৰচিবিৰ শিবিৰত যোগদান কৰে বিৰাটে। আৰ চি বিৰ প্ৰাক্তন সতীৰ্থ আৰু বন্ধু ক্ৰীছ গেইল আৰু এ বি ডি ভিলিয়াৰ্ছও সেই শিবিৰত আছে। অহা ২ এপ্ৰিলত আই পি এলৰ প্ৰথমখন মেচ মুম্বাই ইণ্ডিয়ানছৰ বিৰুদ্ধে খেলিব আৰ চি বিয়ে। ক্ৰীড়াপ্ৰেমী সকলোৱে বিৰাটক খেলপথাৰত চাবলৈ আগ্ৰহী। তাৰ লগতে নতুন টাটুটোৱে সকলোৰে উত্তেজনা দুগুণ কৰি তুলিলে।
সদ্য সমাপ্ত ভাৰত-অষ্ট্ৰেলিয়া শৃংখলাত বিৰাট কোহলীয়ে ভাল খেল প্ৰদৰ্শন কৰে। শেষৰ টেষ্টত তেওঁৰ বেটৰ পৰা এই শতকটো আহিছিল। আনকি শৃংখলাৰ অন্তিমখন এদিনীয়া মেচতো তেওঁ অৰ্ধশতক অৰ্জন কৰিছিল।
এই পৰ্যন্ত আই পি এলত ৰয়েল চেলেঞ্জাৰছ বাংগালোৰে ট্ৰফী লাভ কৰিব পৰা নাই। এইবাৰ অনুৰাগীসকলে বিৰাটৰ নতুন টেটুৰ লগতে হাতত থকা ট্ৰফীটো দেখাৰ আশা কৰিছে।
Continue Reading
