ডিজিটেল ডেস্কঃ আই পি এল শেষ হোৱাৰ পিছতহে ভাৰতে টি-২০ বিশ্বকাপ খেলিবলৈ আমেৰিকালৈ যাব। ৫ জুনত প্ৰথমখন খেল। তাৰ আগতে বেছি সময় নাথাকিব। ফলত বিশ্বকাপৰ পূৰ্বে ভাৰতে মাত্ৰ এখন ৱাৰ্ম আপ মেচহে খেলিব পাৰিব। আন সময়ত কমেও দুখন ৱাৰ্ম আপ মেচ খেলে।
মাত্ৰ এখন ৱাৰ্ম আপ মেচ খেলাৰ কাৰণ জানিব পৰা হোৱা নাই। এটা ৱেবছাইটত দাবী কৰা হৈছে যে এই মেচখন নিউয়ৰ্কত হ’ব। বিশ্বকাপৰ আয়োজক আই চি চি আৰু ক্ৰিকেট ৱেষ্ট ইণ্ডিজে ভাৰতে ফ্ল’ৰিডাত ৱাৰ্ম আপ মেচ খেলাটো বিচাৰিছিল। কিন্তু আই পি এলৰ ভাগৰুৱা আৰু বিধ্বস্ত ক্ৰিকেটাৰসকলে কেৱল এখন মেচ খেলি পুনৰ ঘূৰি আহিবলৈ ফ্ল’ৰিডালৈ যাব বিচৰা নাছিল। গতিকে মেচখন নিউয়ৰ্কত অনুষ্ঠিত হৈছে।
কাৰ বিৰুদ্ধে কেতিয়া হ’ব মেচখন, এতিয়াও জানিব পৰা হোৱা নাই। আইচিচিৰ দাবী, শীঘ্ৰে এই সূচী প্ৰকাশ কৰা হ’ব। বাণিজ্যিক কাৰণত ভাৰতৰ ৱাৰ্ম আপ মেচবোৰ সদায় বেছি আগ্ৰহৰ বিষয়। এইবাৰো সেই সুযোগ হেৰুৱাব পৰা নাই।
Continue Reading
