ডিজিটেল ডেস্কঃ ভাৰতীয় দলৰ পৰৱৰ্তী প্ৰশিক্ষক বিচাৰি উলিওৱাৰ প্ৰক্ৰিয়া আৰম্ভ কৰিছে ব’ৰ্ডে। ৱেবছাইটত বিজ্ঞাপনৰ জৰিয়তে আবেদন পত্ৰ বিচৰা হয়। কিছুমান যোগ্যতাৰ মাপকাঠী পূৰণ কৰিলেহে প্ৰশিক্ষক পদৰ বাবে আবেদন কৰিব পাৰিব। কিন্তু সেই বিজ্ঞাপনটোক লৈ বিমোৰত পৰিছে ব’ৰ্ড। সাধাৰণ সমৰ্থকসকলেও আবেদন কৰিবলৈ আৰম্ভ কৰিছে।
প্ৰশিক্ষক পদৰ বিজ্ঞাপন ‘গুগল ফৰ্ম’ৰ জৰিয়তে আবেদন কৰিব পাৰিব। যিকোনো ব্যক্তিয়ে নিজৰ ইমেইল আইডি ব্যৱহাৰ কৰি আবেদন কৰিব পাৰিব। সেইটোৱেই সমস্যাৰ কাৰণ। ইজনৰ পিছত সিজন সমৰ্থকে সেই প্ৰ-পত্ৰ পূৰণ কৰি আৱেদন আৰম্ভ কৰিছে। ব’ৰ্ডে ইয়াক চম্ভালিবলৈ সংগ্ৰাম কৰি আছে।
ব’ৰ্ডৰ কোনেও এই বিষয়ে আনুষ্ঠানিকভাৱে কোনো কথা কোৱা নাই। কিন্তু সমৰ্থকসকলে নিজেই উদ্যোগ লৈ আবেদনখনৰ প্ৰচাৰ আৰম্ভ কৰিছে। এক্স হেণ্ডেলত (পূৰ্বৰ টুইটাৰ) বিজ্ঞাপন দিয়া পোষ্টটোত সমৰ্থকসকলে ক’বলৈ ওলাইছে যে তেওঁলোকে আবেদন কৰিব বিচাৰে।
জনী ব্ৰাভো নামৰ এজন অনুৰাগীয়ে লিখিছে, ‘ভাৰতীয় প্ৰশিক্ষকৰ পদৰ বাবে আবেদন কৰিছিল। আশাকৰোঁ মোৰ বিশেষজ্ঞ প্ৰশিক্ষক আৰু পৰামৰ্শৰ সহায়ত ভাৰতে ২০২৭ চনত দক্ষিণ আফ্ৰিকালৈ গৈ বিশ্বকাপ জয় কৰিব।” সোহামে লিখিছে, ভাৰতৰ প্ৰশিক্ষক হ’বলৈ মই ৰৈ থাকিব নোৱাৰো। অধ্যাপক চাহাব নামৰ এজন ব্যক্তিয়ে লিখিছে, "অনুগ্ৰহ কৰি মোৰ আবেদন বিবেচনা কৰক।"
Continue Reading
