ডিজিটেল ডেস্কঃ মহিলাৰ আই পি এলত কলকাতাৰ কোনো দলে খেলিব নোৱাৰে। বুধবাৰে মহিলাৰ আই পি এলত কোন পাঁচখন চহৰে খেলিব সেয়া সিদ্ধান্ত লোৱা হৈছে। কলকাতা সেই তালিকাত নাই। শ্বাহৰুখ খানৰ কলকাতা নাইট ৰাইডাৰ্ছে আবেদন কৰাৰ পিছতো দলটোৱে স্থান লাভ নকৰিে। মুম্বাই আৰু বেংগালুৰুকে ধৰি মুঠ পাঁচখন চহৰেহে স্থআন লাভ কৰিছে।
আদানি স্পৰ্টছলাইন প্ৰাইভেট লিমিটেডে আহমেদাবাদৰ দলটোক সৰ্বাধিক মূল্যত ক্ৰয় কৰিছে। আদানীয়ে দলটো ১২৮৯ কোটি টকাত ক্ৰয় কৰিছে। ইণ্ডিয়াউইন স্পৰ্টছ প্ৰাইভেট লিমিটেডে মুম্বাই দলটো ৯১২.৯৯ কোটি টকাত ক্ৰয় কৰিছে। ৰয়েল চেলেঞ্জাৰ্ছ বাংগালোৰে দলটোক ৯০১ কোটি টকাত ক্ৰয় কৰিছে। তেওঁলোকে বেংগালুৰুৰ পৰা খেলিব। জেএছডব্লিউ জিএমআৰ ক্ৰিকেটে দিল্লী দলটো ৮১০ কোটি টকাত ক্ৰয় কৰিছে। লক্ষ্ণৌৰ দলটো কেপ্ৰি গ্লোবেল হোল্ডিংছে ক্ৰয় কৰিছে। ৭৫৭ কোটিত বিক্ৰী হৈছে দলটো।
প্ৰথম মহিলা আই পি এল ৩ মাৰ্চৰ পৰা ২৬ মাৰ্চলৈ অনুষ্ঠিত হোৱাৰ সম্ভাৱনা আছে। ক্ৰিকেট বিষয়াসকলে মহিলাৰ আই পি এলক বাণিজ্যিকভাৱে সফল কৰিবলৈ চেষ্টা কৰাৰ কোনো ক্ৰুটি থকা নাই। যোৱা সপ্তাহত ভায়াকম18-এ টিকে 951 কোটিৰ বিনিময়ত পাঁচ বছৰৰ (2023 ৰ পৰা 2027) বাবে প্ৰতিযোগিতাখনৰ সম্প্ৰচাৰ অধিকাৰ লাভ কৰিছে৷
Continue Reading
