ডিজিটেল ডেস্কঃ আইপিএলৰ পইণ্ট তালিকাৰ এখন নিৰ্ণায়ক মেচত জয়লাভ কৰিলে মুম্বাই ইণ্ডিয়ানছে৷ চানৰাইজাৰ্ছ হায়দৰাবাদৰ বিৰুদ্ধে এই জয়েৰে প্লে’ অফৰ বাবে অন্যতম দাবীদাৰ হৈ পৰিল ৰোহিত শৰ্মা বাহিনী৷
ৱাংখেৰে ষ্টেডিয়ামত টছত জয়লাভ কৰি বলিং কৰিবলৈ সিদ্ধান্ত লয় মুম্বাই ইণ্ডিয়ানছে৷ সুন্দৰ আৰম্ভণি কৰে চানৰাইজাৰ্ছ হায়দৰাবাদে৷ অপেনাৰদ্বয় মায়ংক আগৰৱাল আৰু বিব্ৰান্ত শৰ্মাই প্ৰথম উইকেটতে সংগ্ৰহ কৰে ১৪০ ৰাণ৷ মায়ংকই ৪৬ টা বলত ৮৩ আৰু বিব্ৰান্তই ৪৭ টা বলত ৬৯ ৰাণ সংগ্ৰহ কৰে৷ নিৰ্ধাৰিত অভাৰত ৫ উইকেট হেৰুৱাই হায়দৰাবাদে সংগ্ৰহ কৰে ২০০ ৰাণ৷ মুম্বাইৰ একমাত্ৰ সফল বলাৰগৰাকী হৈছে আকাশ মাধৱাল৷ মাধৱালে ৪ টাকৈ উইকেট সংগ্ৰহ কৰে৷
০১ ৰাণৰ প্ৰত্যাহ্বানজনক লক্ষ্য লৈ মুম্বাইয়ে কম সময়তে অপেনাৰ ইশান কিশানক হেৰুৱায়৷ কিন্তু দ্বিতীয় উইকেটৰ যুটিত ৰোহিত শৰ্মা আৰু কেমেৰণ গ্ৰীনে দলক বিজয়ৰ লক্ষ্যলৈ লৈ যায়৷ কেমেৰন গ্ৰীনে ৪৭ টা বলত শতক অৰ্জন কৰে৷ ফৰ্মলৈ ঘূৰি অহা ৰোহিত শৰ্মাই ৫৬ (৩৭) সংগ্ৰহ কৰে৷ সূৰ্যকুমাৰ যাদৱে কৰে ১৬ টা বলত ২৫ ৰান৷ ফলস্বৰূপে দুই অভাৰ বাকী থকা অৱস্থাতে বিজয়লক্ষ্যত উপনীত হয় ৰোহিত বাহিনী৷
এই বিজয়েৰে মুম্বাই ইণ্ডিয়ানছে প্লে’ অফৰ বাবে প্ৰয়োজনীয় ১৭ পইণ্ট অৰ্জন কৰিছে৷ কিন্তু প্লে’ অফত স্থান নিশ্চিত কৰিবলৈ পৰৱৰ্তী মেচখনলৈ বাট চাব লাগিব৷ পৰৱৰ্তী মেচ হ’ব গুজৰাট টাইটানছ আৰু ৰয়েল চেলেঞ্জাৰ্ছ বেংগালুৰুৰ মাজত৷
