ডিজিটেল ডেস্কঃ আইপিএলত ইতিহাস ৰচনা কৰিলে বিৰাট কোহলীয়ে। গুজৰাট টাইনটানছৰ বিৰুদ্ধে বেংগালুৰু ৰয়েল চেলেঞ্জাৰ্ছৰ আইপিএলৰ পইণ্ট তালিকাৰ এখন নিৰ্ণায়ক মেচত সমুখৰ পৰা দলক আগুৱাই নিয়ে কিং কোহলীয়ে। অৰ্জন কৰে চলিত আইপিএলত ক্ৰমাগতভাৱে দ্বিতীয়টো শতৰাণ।
উল্লেখ্য যে সাতটাকৈ শতকেৰে আইপিএলৰ ইতিহাসত সৰ্বাধিকসংখ্যক শতক অৰ্জন কৰা বেটাৰ হিচাপে পৰিগণিত হ’ল কোহলী। ৬০ টা বলত তেওঁ এই শতক অৰ্জন কৰে।
বেংগালুৰুৰ এম চিন্নস্বামী ষ্টেডিয়ামত বৰষুণৰ বাবে পিচুৱাই দিয়া মেচখনত টছত জয়ী হৈ বলিং কৰে গুজৰাটে। ইনিংছ আৰম্ভণি কৰিবলৈ আহিয়েই সমুখৰ পৰা নেতৃত্ব দিয়ে কোহলীয়ে। ফাফ ডু প্লেছিছৰ স’তে ইনিংছ আগুৱাই নিওঁতেই ৬৭ ৰাণত অপেনিং যুটীৰ অন্ত পৰে। ডু প্লেছিছে ২৮ ৰাণ সংগ্ৰহ কৰে।
ডু প্লেছিছ পেভিলিঅ’নমুখী হোৱাৰ পাছতে আৰম্ভ হয় বেটিং বিপৰ্যয়। ৰছিদ খান, নুৰ মহম্মদ, মহম্মদ ছামীৰে গঠিত গুজৰাটৰ বলিং আক্ৰমণৰ সমুখত ব্যৰ্থ হয় মেক্সৱেল, দীনেশ কাৰ্তিক। দীনেশ কাৰ্তিকে প্রথমটো বলতে আউট হয়। ইয়াৰ দ্বাৰা আইপিএলৰ ইতিহাসত সৰ্বাধিক সংখ্যক ১৭ টা ডাক আউটৰ অভিলেখ গঢ়ে তেওঁ।
কিন্তু থমকি নৰ’ল কোহলীৰ ৰাণযজ্ঞ। পঞ্চম উইকেটত অনুজ ৰাৱাটৰ স’তে লগ হৈ তেওঁ গুজৰাট টাইটানছক নিৰ্ধাৰিত অভাৰত ১৯৭ ৰাণৰ লক্ষ্য স্থিৰ কৰিছে। অনুজ ৰাৱাটে সংগ্ৰহ কৰে ১৫ টা বলত ২৩ ৰাণ।
Continue Reading
